Жиын барысында Қазақстан Республикасы Оқу-ағарту министрлігі Орта білім беру комитеті төрағасының орынбасары Зейнеп Мақсұтова жаңа Конституция жобасының негізгі тұжырымдамалық бағыттарына жан-жақты тоқталды.

Зейнеп Әбдіжүсіпқызы өз баяндамасында Конституциялық реформаның мәні мен маңызын, адами капиталды дамытуға бағытталған қағидаттарды, мемлекеттік басқару жүйесін жаңғыртуға арналған өзгерістерді, сондай-ақ білім беру саласына тікелей әсер ететін нормаларды кеңінен түсіндірді.

Талқылауға қатысқан «Өрлеу» ұлттық орталығының қызметкерлері ұсынылып отырған өзгерістерге қатысты пікірлерін білдіріп, өз ойларын ортаға салды.