Раздел

Структура и управление

Султанов Даулет Талгатович
Басқарма Төрағасының орынбасары

Жалпы ақпарат, білімі:

Жалпы еңбек өтілі 20 жылдан астам, мемлекеттік қызметтегі еңбек өтілі 15 жылдан асады.
2003 жылы Қазақ гуманитарлық-заң университетін «Құқықтану» мамандығы бойынша тәмамдаған. 2005 жылы М. Қозыбаев атындағы Солтүстік Қазақстан мемлекеттік университетін «Есеп және аудит» мамандығы бойынша бітірген.
Мемлекеттік басқару, құқықтық қамтамасыз ету, мемлекеттік бақылау және қаржылық қадағалау салаларында көпжылдық еңбек тәжірибесі бар. Еңбек жолында орталық мемлекеттік органдар мен квазимемлекеттік сектор ұйымдарында басшылық лауазымдарды атқарып, құқықтық сүйемелдеу, мемлекеттік сатып алу, қаржылық бақылау, әкімшілік басқару және инфрақұрылымдық жобаларды іске асыру мәселелеріне жетекшілік етті.
Адал еңбегі мен қол жеткізген нәтижелері үшін Қазақстан Республикасы Президентінің Құрмет грамотасымен, сондай-ақ «Төтенше жағдайлардың алдын алуда және жоюда үздік шыққаны үшін» наградасымен марапатталған.

Еңбек жолы:

2003–2007 жылдары Қазақстан Республикасының құқық қорғау органдарында қызмет атқарды. Еңбек жолын Солтүстік Қазақстан облысы Ішкі істер департаментінің Ішкі істер басқармасында тергеуші болып бастады. Кейін аға тергеуші, қаржы полициясының тергеушісі және Петропавл қаласы прокурорының көмекшісі қызметтерін атқарды.
2007–2009 жылдары Қазақстан Республикасының мемлекеттік бақылау және қаржылық қадағалау жүйесінде қызмет етті.
2009–2011 жылдары Қазақстан Республикасы Қаржы министрлігінің Қаржылық бақылау комитеті мен тұрғын үй-коммуналдық шаруашылық жүйесінде жұмыс істеп, құқықтық қамтамасыз ету, мемлекеттік сатып алу және қаржылық бақылау мәселелеріне жетекшілік етті.
2011–2018 жылдары Қазақстан Республикасы Көлік және коммуникациялар министрлігінің Автомобиль жолдары комитеті мен Қазақстан Республикасы Инвестициялар және даму министрлігі жүйесінде басшылық лауазымдарды атқарды. Құқықтық сүйемелдеу, мемлекеттік сатып алу, әкімшілік-шаруашылық қызмет, инфрақұрылымдық жобаларды, концессиялық жобалар мен мемлекеттік-жекешелік әріптестік жобаларын іске асыру мәселелеріне жетекшілік етті.
Әр жылдары квазимемлекеттік сектор ұйымдарында, оның ішінде «University Service Management» акционерлік емес қоғамында және «Zhakim Invest» жауапкершілігі шектеулі серіктестігінде жұмыс істеп, құқықтық сүйемелдеу мен персоналды басқару мәселелеріне жауапты болды.
2018–2021 жылдары Қазақстан Республикасы Индустрия және инфрақұрылымдық даму министрлігінің Автомобиль жолдары комитеті Заң басқармасының басшысы және Заң департаменті директорының орынбасары қызметтерін атқарды.
2021–2023 жылдары Қазақстан Республикасы Төтенше жағдайлар министрлігінің «Резерв» республикалық мемлекеттік кәсіпорнында жұмыс істеп, Бас директордың орынбасары, аппарат басшысы және Бас директордың бірінші орынбасары лауазымдарын атқарды.
2023–2024 жылдары Қазақстан Республикасы Төтенше жағдайлар министрлігінің Мемлекеттік материалдық резервтер комитеті төрағасының орынбасары қызметін атқарды.
2024–2025 жылдары Қазақстан Республикасы Көлік министрлігі Автомобиль жолдары комитетінің «Қазақстан жол ғылыми-зерттеу институты» акционерлік қоғамында жобаларды басқару жөніндегі консультант және атқарушы директор болып жұмыс істеді.
2025 жылғы қарашадан 2026 жылға дейін «Ұлттық жол активтері сапасы орталығы» шаруашылық жүргізу құқығындағы республикалық мемлекеттік кәсіпорнының БАКАД жобасы бойынша консультант-маман қызметін атқарды.
2026 жылдан бастап «Өрлеу» біліктілікті арттыру ұлттық орталығы» АҚ Басқарма Төрағасының орынбасары қызметін атқаруда.