1951 жылы 15 наурыздағы Қазақ ССР Оқу Министрлігінің №84 бұйрығына сай республикалық, облыстық, қалалық әдістемелік кабинеттер негізінде Алматы облыстық білім жетілдіру институты құрылды.

1960-дан Бағанашыл ауылы Казахфильм ықшамауданына ауысты.

1985 жылдан бастап институттың оқу ғимараты осы күнге дейін бұрынғы балалар үйі болған Қабылов көшесіндегі 50-үйде тұр.

1950-1960 жылдары қазақ мектептерінде оқу-тәрбие үдерісіне баса назар аударылды. Мектеп оқушыларының рухани даму жолдары, оларды оқу, өндіріс жұмыстарына тарту маңызды рөлге ие болды. Оқулық авторлары, белгілі ғалымдар Т.Тәжібаев, А.Сембаев, С.Қирабаев, Т.Ақшолақов, Қ.Жарықбаев секілді ғалымдар тұрақты түрде дәріс оқыды.

1970-1980 жылдары 6 жастағы балаларды оқытуға қатысты мұғалімдердің әдістемелік білімі мен педагогтердің кәсіби шеберліктерін арттыру бағытындағы жұмыстар кеңінен ұйымдастырылды.

1990 жылдан бастап Ы.Алтынсарин атындағы Педагогикалық ғылыми-зерттеу институтымен тығыз жұмыс басталды.

1991 жыл Белоруссия, Латвия, Литва республикасымен ынтымақтастықта жұмыс істеліп, «Адамтану» атты курстық бағдарламасы жасалып жүргізілді.

1992 жылғы 03 маусымдағы Алматы облыстық әкімшілігінің №285 шешімі бойынша мұғалімдер білімін жетілдіру институты Алматы облыстық мамандар кәсібін дамыту институты болып қайта құрылды.

2000 жылы ауыл мектептері, 12 жылдық білім беру жүйесіне көшу проблемалары, ҰБТ-ға дайындық жолдарын сапалы ұйымдастыру, бейінді және бейіналды оқытуға дайындық жұмыстары қамтылды.

2001 жылы институттың 50 жылдығы аталып өтті. «Жүзден – жүйрік» облыстық байқауы өткізілді.

2007 жылы «Нәтижеге бағдарланған білім беруде тұлғалар қызметін ұйымдастыру» тақырыбында облыстың 6 мектебінде эксперименттік-тәжірибелік жұмыс басталды.

2009 жылы Ресейдің Самара, Отрадный қалаларының педагогтерімен іс-тәжірибе бөлісу жұмыстары жүргізілді. Қорған университеті (Ресей), Ереван (Армения), Ташкент (Өзбекстан), Бішкек (Қырғызстан), ЮНЕСКО-ның Білім беруді кластерлік бюросымен, ЮНИСЕФ-тің Балалар қорымен, Ұлыбритания елшілігінің British Council ұйымдарымен ынтымақтастықта жұмыс істелді.

2010 жылы 15 қазан күні «Тілдердің үштұғырлылығы» мәдени бағдарламаны іске асыру мақсатында облыстық «Тіл пәндерінің үздік мұғалімі» байқауы өткізіледі.

2012 жылдан «Мұғалімдер мен оқушылардың шығармашылық іс-әрекетін қалыптастыру – нәтижеге бағдарланған білім беру шарты» тақырыптарында облыстың 11 мектебінде эксперименттік-тәжірибе жұмыстары басталды.

2012 жылдың қазан айы институт тарихына үлкен өзгеріс әкелді. Қазақстан Республикасы Үкіметінің 2012 жылдың 17 ақпанындағы «Мемлекеттік кәсіпорындарды қазыналық меншіктен республикалық меншікке беру және Қазақстан Республикасы Білім және ғылым министрлігі «Өрлеу» біліктілікті арттыру орталығы» акционерлік қоғамын құру мәселелері туралы» №232 қаулысы бойынша «Өрлеу» біліктілікті арттыру ұлттық орталығы» акционерлік қоғамының филиалы ретінде «Алматы облысы бойынша педагог қызметкерлердің біліктілігін арттыру институты» болып өз қызметін бастады.

2013 жылдың 01 наурызынан Деңгейлік бағдарламалар орталығы ашылды. 24 тренер Халықаралық Кембридж университетінің емтихан кеңесінің сертификатын алды.
2013 жылы институттың 14 қызметкері Англия, Франция, Финляндия, Сингапур, Оңтүстік Корея, Корея, Австралия, Ресейде оқытудың инновациялық технологиялары бойынша біліктіліктерін арттырды.

2014 жылы облыс мұғалімдеріне әдістемелік көмек беру мақсатында барлық 16 аудан мен Талдықорған, Текелі, Қапшағай қалаларында «Институт күндері» өткізіліп тұрды.

2015 жылы Moodle негізінде веб-ресурс жасалып, педагогтердің білім сапасын зерделеу үшін тестілеу жүргізіле басталды. Google platforms платформасы бойынша сауалнама өткізу қолға алынды. «Үздік сабақ», «Үздік бейнесабақ» байқаулары өтті.

2016 жылы Жаңартылған білім беру мазмұны бағдарламасы бойынша курстар басталды. 2016-2021жылдар аралығында осы бағдарлама аясында 26790 педагог курстан өтті.

2017 жылы 21-22 қарашада «Білім және ғылымдағы инновациялар» тақырыбында Халықаралық ғылыми-әдістемелік конференция өтті.

2018 жылы 22-23 қарашада «Білім және ғылымдағы инновациялар» тақырыбында Халықаралық ғылыми-әдістемелік конференциясы өтті.

2019 жылы «Білім және ғылымдағы инновациялар: жаңа талаптар» Халықаралық ғылыми-әдістемелік конференциясы екінші рет өткізілді.

2020 жылы Қашықтықтан оқыту бойынша авторлық бағдарламалар, бейнесабақтар жасалды.

2021 жылы маусым айында «Әлемдегі ғаламдық мәселелерді шешуде рухани-адамгершілік білім берудің басымдылығы» Республикалық ғылыми-әдістемелік конференциясы өткізілді.