2000 жылдың қыркүйегінен бастап «Педагогический мир» облыстық газеті шыға бастады. Осылайша, тәжірибе жинақтаған екі беттік кітапшалар мен плакаттар салиқалы педагогикалық басылымға ауыстырылды.

2001 жылдың маусым айынан бастап «ШҚО педагогикалық жаршысы» атты журналдың алғашқы номері жарыққа шықты.

2001 жылдың наурыз айынан бастап, 16 жыл бойы Педагогикалық қызметкерлердің біліктілігін арттыру институты «Экобиоцентр» ОИ-мен бірлесе отырып, «Экологиялық ағарту жүйесіндегі аймақтық компонент» атты ғылыми-практикалық конференция өткізеді, оған ПҚ БАИ қызметкерлері, жоғары оқу орындарының ғалымдары, ШҚО экология басқармасының педагогтары мен қызметкерлері қатысты.

Білім және ғылым министрлігінің 2003 жылғы 14 мамырдағы № 314 бұйрығына сәйкес ШҚО білім беру және тәрбиелеу ұйымдарында «Өзін-өзі тану» курсын апробациялау және енгізу бойынша облыстық оқу-әдістемелік кеңес құрылды, ол үйлестіруші орган болып табылады, оның шешімдері ұсынымдық сипатта болды.

Кеңес жұмысының жылдық жоспарына сәйкес, тоқсан сайын «Өзін-өзі тану» курсында адамгершілік-рухани білім беру мәселелері бойынша сұрақтар қарастырылды.

Ресурстық орталық құрылды, оның негізгі мақсаты – уақыт сұраныстарына, мемлекеттік тапсырыс және білім беру ұйымдары мен педагог қызметкерлердің өзгеріп отыратын қажеттіліктеріне жедел ден қою.

2008 жылдан бастап 2011 жылға дейін институт базасында РИПКСО хаты мен ЮНЕСКО-ның Қазақстан бойынша Кластерлік Бюросының негізінде Барлығы үшін білім беру және тұрақты даму үшін білім беру халықаралық бағдарламаларын ілгерілету жөніндегі үйлестіру орталығы құрылып, жұмыс істеді. Облыстық координаторы болып география, биология, экология және экономика кабинеттерінің меңгерушісі С.Е.Нұркенова тағайындалды.

Институт Шығыс Қазақстан облысы әкімдігі білім басқармасының “Шығыс Қазақстан облыстық білім беру қызметкерлерінің біліктілігін арттыру және қайта даярлау институты” РМҚК болып өзгертілді.

2012 жылдың ақпан айында Үкімет қаулысымен институт Қазақстан Республикасы Білім және ғылым министрлігінің «Шығыс Қазақстан облысы бойынша педагогикалық қызметкерлердің біліктілігін арттыру институты» РМҚК болып өзгертіліп, кейін «Өрлеу» біліктілікті арттыру ұлттық орталығы» АҚ филиалы болып қайта құрылды. Бұл жүргізілген қайта құрулар оқытудың және бағалаудың инновациялық технологияларын енгізу, педагогика саласындағы шетелдік және отандық мамандарды оқытушылық қызметке тартудың үздік әлемдік және қазақстандық тәжірибесін трансляциялау негізінде педагог қызметкерлердің біліктілігін арттыру жүйесін жаңғыртуға түрткі болды.

Қазақстан Республикасында білім беруді дамытудың 2011-2020 жылдарға арналған мемлекеттік бағдарламасына сәйкес 2012 жылы білім беру ұйымдарына «e-learning» электрондық оқытуды енгізу жалғасуда. Осы мақсатта «Өрлеу» БАҰО» АҚ жоспарына сәйкес «Өрлеу» БАҰО» АҚ филиалы ШҚО бойынша ПҚ БАИ базасында 2013 жылдың 9 қыркүйегінен бастап е-learning электронды оқыту курстары басталды.

Қазақстанның мектептік білім берудің басымдықтары инфрақұрылымдық даму және білім берудің жаңартылған мазмұнына көшуге дайындық болды. Назарбаев Зияткерлік мектептерінің тәжірибесін тарату жүзеге асырылуда. Орта білім берудің жаңартылған мазмұнына кезең-кезеңмен көшу үшін база дайындалды. Мемлекеттік бастауыш білім беру стандарты қабылданды. Республиканың 30 пилоттық мектептерінде, оның ішінде Өскемен қаласының №39 мектебінің екі бірінші сыныптарында және ШҚО Көкпекті ауданының Абай атындағы мектебінде жаңартылған оқу бағдарламаларын бейімдеу жүргізілуде.

2018 жылы “Өрлеу “біліктілікті арттыру ұлттық орталығы” акционерлік қоғамының филиалы Шығыс Қазақстан облысы бойынша педагогикалық қызметкерлердің біліктілігін арттыру институты мерейтойын атап өтеді. Біліктілікті арттыру жүйесінің қалыптасу және даму тарихы 70 жыл ішінде көптеген жұмыстар атқарылды және көптеген жетістіктерге жетті.

70 жыл – институт үшін өте маңызды және айтулы мереке, осы уақытқа дейін жеткен жетістіктерге баға беріп, болашақтағы дамуға зер салатын кезең.

2019 жылдың 11 желтоқсанында “Өрлеу “біліктілікті арттыру ұлттық орталығы” АҚ филиалы ШҚО бойынша ПҚ БАИ тарихында елеулі оқиға болды. Бұл күні “мұғалімдер үйінің”салтанатты ашылу рәсімі өтті.