Бөлім

Құрылым және басқару

Тлеуов Қайрат Қыпшақбайұлы
«Өрлеу» біліктілікті арттыру ұлттық орталығы» АҚ Маңғыстау облысы бойынша Кәсіби даму институты филиалының директоры

Жалпы ақпарат, білімі:
Тлеуов Қайрат Қыпшақбайұлы Нүкіс мемлекеттік педагогикалық институтын «Биология» мамандығы бойынша, С. Бәйішев атындағы Ақтөбе университетін «Информатика» мамандығы бойынша, Шымкент университетін «Педагогика және психология» мамандығы бойынша тәмамдаған. Біліктілігі – биология пәнінің мұғалімі, информатик, педагогика ғылымдарының магистрі. Кембридж университетінің Халықаралық емтихан кеңесінің сертификатталған тренері, республикалық STEM-тренер, PRE-MBA «Білім берудегі инновациялық басқару» бағдарламасының түлегі, WorldSkills құзыреті бойынша облыстық деңгейдегі бас сарапшы, Британдық Кеңестің шебер-тренері, сондай-ақ сертификатталған кәсіби коуч.

Еңбек жолы:
2001-2003 жылдары биология пәнінің мұғалімі болып еңбек жолын бастады.
2004-2005 жылдары Жаңаөзен қаласындағы №15 орта мектепте биология пәнінің мұғалімі болып жұмыс істеді.
2005-2007 жылдары Жаңаөзен қаласындағы №7 және №17 орта мектептерде директордың оқу-тәрбие ісі жөніндегі орынбасары қызметін атқарды.
2007-2009 жылдары Жаңаөзен қаласындағы Қашаған Күржіманұлы атындағы №8 орта мектептің директоры қызметін атқарды.
2009-2011 жылдары Жаңаөзен қаласындағы №17 орта мектепті, 2011–2012 жылдары №21 орта мектепті басқарды.
2012-2025 жылдары Ақтау қаласындағы «Назарбаев Зияткерлік мектептері» ДББҰ Педагогикалық шеберлік орталығы филиалында білім беру бағдарламалары бойынша тренер және аға менеджер болып жұмыс істеді.
2025 жылғы 5 қыркүйектен бастап «Өрлеу» біліктілікті арттыру ұлттық орталығы» АҚ Маңғыстау облысы бойынша Кәсіби даму институты филиалының директоры қызметін атқаруда.