Курс білім беру ұйымдары кітапханашыларының цифрлық трансформация жағдайындағы кәсіби дағдыларын жетілдіруге бағытталған. Тыңдаушылар инновациялық кітапханалық қызметті ұйымдастырудың заманауи тәсілдерін, білім алушылардың оқу, ақпараттық және медиасауаттылығын дамыту әдістерін, сондай-ақ цифрлық ресурстар мен жасанды интеллект құралдарын қолдануды меңгереді. Бағдарламада кітапханалық үдерістерді автоматтандыруға, электрондық ресурстармен жұмыс істеуге, ақпаратты верификациялауға және жобалау-зерттеу қызметін ұйымдастыруға ерекше назар аударылады. Курс кітапхананы заманауи білім беру және ақпараттық кеңістік ретінде дамытуға мүмкіндік береді.