«Өрлеу» біліктілікті арттыру ұлттық орталығының 20 тренері мен білім беру бағдарламаларын әзірлеушісі King’s College London ұйымдастырған «Тренерлерге арналған сыни ИИ-сауаттылық» семинарының қорытындысы бойынша халықаралық сертификаттарға ие болды.

Семинар білім беру саласында жасанды интеллектіні саналы әрі жауапты қолдану құзыреттерін дамытуға бағытталды. Бағдарламада этика, ашықтық, деректер қауіпсіздігі және ИИ-құралдарын сыни бағалау мәселелері қарастырылды.

Оқыту бағдарламасы постдокторант-зерттеуші Майра Клышбекованың қатысуымен жүзеге асырылып, King’s College London университетінің AI Education саласындағы профессоры Кейтлин Бентлимен бірлесіп әзірленді.

Аталған сертификаттар қызметкерлердің кәсіби әлеуетін арттыруға және цифрлық трансформация жағдайында ИИ-құралдарын тиімді қолдану мүмкіндіктерін кеңейтуге ықпал етеді.