Республикалық ғылыми-тәжірибелік онлайн-конференция
2026 жылдың 22 қазанында «Өрлеу» БАҰО» АҚ-ның Қызылорда облысы бойынша Кәсіби даму институты базасында «Жасанды интеллект және білім берудің жаңа парадигмасы: Мұғалім мен технологияның үндестігі» атты республикалық ғылыми-тәжірибелік онлайн-конференция өтті.
Бүгінгі таңда жасанды интеллектіні қолданудың маңыздылығы — адамды алмастыруда емес, оның мүмкіндіктерін шексіз кеңейтуінде. Заманауи мұғалімге ЖИ технологияларын даму мен оқыту сапасын арттыруға бағытталған сенімді серіктесіне айналдыруға жол ашу — білім берудегі жаңа парадигманың негізі болып табылады.
- Конференцияның мақсаты: Технология мен адам арасындағы педагогикалық теңгерімді сақтай отырып, ЖИ-ді мұғалімнің шығармашылық көшбасшылығын толықтыратын көмекші құрал ретінде пайдаланудың оңтайлы модельдерін жасау және талқылау.
- Конференцияның негізгі бағыттары:
- Педагогикалық синергия: Оқу-тәрбие процесінде мұғалімнің эмпатиясын, мотивациялық және тәрбиелік рөлін сақтай отырып, ЖИ алгоритмдері мен адамдық фактордың үйлесімділігін қамтамасыз ету.
- Мұғалімнің шығармашылық көшбасшылығы мен зерттеушілік әлеуетін арттыру: Сабақты жоспарлау, бағалау сияқты күнделікті қайталанатын тапсырмаларды ЖИ көмегімен оңтайландыру және босаған уақытты инновациялық іс-әрекетке бағыттау.
- Білім берудегі ЖИ (Этика және қауіпсіздік): Авторлық құқық, академиялық адалдық және оқушылардың жеке деректерін қорғау мәселелері.
- Цифрлық дәуірдегі сыни ойлау: Дайын ақпараттар ағынында оқушылардың фактілерді тексеру және ақпаратты сараптау дағдыларын қалыптастыру.
Конференция жұмысына өңірлік ЖОО ғалымдары, «Өрлеу» БАҰО» АҚ филиалдарының профессорлық-педагогикалық құрамы мен мектепке дейінгі, жалпы білім беретін және қосымша білім беру ұйымдарының 100-ге жуық шығармашыл педагогы қатысып, тәжірибе алмасты.
Іс-шара аясында 1-бағыт бойынша «Өрлеу» БАҰО» АҚ Шымкент қаласы бойынша Кәсіби даму институты «Жаратылыстану-математика» бағытындағы кафедраның аға оқытушысы, тренер Мынбаева Акбота Камзабековна «Педагогтің рөлі мен ЖИ тиімді пайдаланудің жолы» тақырыбында мазмұнды баяндама жасап, өз тәжірибесімен бөлісті.
Басқа жаңалықтар
Қазақ әдебиеті классикасының жаңғырған беттері
«Өрлеу» филиалының Ақмола облысы бойынша бөлімшесінде Республика күніне орай қазақ тілі мен әдебиеті пәні мұғалімдері - курс тыңдаушылары арасында «Жырды жүрекпен сөйлет» көркем оқу кастингі өтті.
РЕСПУБЛИКА КҮНІНЕ ОРАЙ КУРС ТЫҢДАУШЫЛАРЫМЕН ӨТКЕН ІС-ШАРА
Осы мерекеге орай Астана қаласы «Өрлеу» біліктілікті арттыру ұлттық орталығының ұйымдастыруымен «Айтарым бар» атты тағылымды іс-шара ұйымдастырылды. Іс-шараның атауы да ерекше мәнге ие, «Айтарым бар» тәуелсіздікке деген алғыс пен құрметті білдіріп, бейбіт өмір мен жарқын болашаққа мүмкіндік сыйлаған азат елге ризашылық айтуды мақсат еткен кездесу.
ИНФОРМАТИКАНЫ ОҚЫТУДАҒЫ ЖАҢА ТӘСІЛДЕР: ОҚУ МАҚСАТТАРЫ МЕН ЦИФРЛЫҚ ДАҒДЫЛАР САБАҚТАСТЫҒЫ
Атырау облысы бойынша Кәсіби даму институтында 27 қазан – 6 қараша аралығында мемлекеттік тапсырыс аясында информатика пәні мұғалімдеріне арналған біліктілікті арттыру курсы өтеді