«Өрлеу» орталығында Республика күніне арналған іс-шара өтті

 «Өрлеу» біліктілікті арттыру ұлттық орталығында Қазақстан Республикасының Республика күніне арналған мерекелік іс-шара өтті.

Іс-шара аясында интерактивті ойындар ұйымдастырылып, домбырамен музыкалық шығармалар орындалды. Сонымен қатар тәуелсіз Қазақстанның болашағы мен ел дамуының перспективалары талқыланды.

Педагогтер іс-шараға белсенді қатысып, ұлттық құндылықтардың, бірлік пен отансүйгіштіктің маңызын айқындады. Кездесу ел тарихына құрмет білдіруге, тәуелсіз Қазақстанның жетістіктерін бағалауға және оның болашақ даму бағыттары туралы ой бөлісуге мүмкіндік берді.

Мерекелік бағдарлама қатысушылардың патриоттық рухын көтеріп, ортақ құндылықтар төңірегінде бірігуіне ықпал етті. Ұлттық мәдениетті дәріптеу мен азаматтық жауапкершілікті нығайтуға бағытталған мұндай іс-шаралардың маңызы зор. Өйткені ел болашағы — білімді, саналы және туған жерінің дамуына үлес қосуға ұмтылатын азаматтардың қолында.

Республика күні — мемлекеттілігіміздің, тәуелсіздігіміздің және халқымыздың бірлігінің символы. Бұл мереке әрбір азаматқа ел игілігі жолында еңбек етіп, Қазақстанның жарқын болашағына үлес қосуға шабыт береді.