Қолөнер шеберлігі: курс тыңдаушыларының көрмесі

Ақмола облысында біліктілікті арттыру курстарында оқитын көркем еңбек пәні мұғалімдерінің шығармашылық жұмыстарының көрмесі өтті. Педагогтер әртүрлі материалдардан жасалған авторлық бұйымдарын ұсынды.

Көрмеде ағаштан, тоқыма материалдарынан, саздан, табиғи және әшекейлік элементтерден жасалған жұмыстар көрсетілген. Курс қатысушылары қолөнердің түрлі техникаларын жетік меңгергенін, форма, құрылым және материалмен жұмыс істей білу дағдыларын, сондай-ақ үнемі шығармашылық ізденісте жүруге ұмтылысын көрсетті.

Көрменің өтуі мұғалімдерге тәжірибе алмасуға, жоғары кәсіби деңгейін көрсетуге және әріптестерін сабақтарға арналған жаңа шығармашылық идеяларға жігерлендіруге мүмкіндік берді.