«Қаржылық сауаттылық негіздері» курсы басталды.

Қаржылық сауаттылық -  тек қаржыны  басқару емес. Бұл саналы таңдау, қауіпсіздік және дұрыс шешім қабылдау. ҚР Ұлттық Банкі  Жамбыл филиалының  базасында   «Қаржылық сауаттылық негіздері» курсы басталды.

Бағдарламаның мақсаты: жеке қаржыны басқару саласында базалық білім беру, түрлі қаржы өнімдері мен қызметтерімен танысу, сондай-ақ қаржылық шешімдер қабылдау үшін қажетті дағдыларды дамыту арқылы педагогтердің қаржылық сауаттылығын арттыру.

Курс барысында тыңдаушылар:

теориялық білім мен практикалық дағдыларды біріктіретін оқытудың кешенді тәсілін ұсынады.  

Ұлттық қаржы жүйесінің құрылымын, инфляцияның азаматтардың жеке қаржысына әсерін, несиелеу және зейнетақымен қамсыздандыру негіздерін қарастырады;

ақша түрлерін және олардың экономикадағы функцияларын, инвестициялау негіздерін және әртүрлі инвестициялық құралдарды зерттейді;

қаржылық алаяқтықтың түрлері мен белгілерін тануды үйренеді;

Курс қаржыны тиімді басқару мен қаржылық құралдарды қауіпсіз пайдаланудан бастап, қаржылық пирамидалардың тұзағына түспеу, ықтимал тәуекелдер мен алаяқтық әрекеттерді ажырата білуге дейінгі практикалық дағдыларды дамытуға бағытталған.