Жаңа бағдарламалар, сапаны бағалау және даму бағыттары талқыланды
«Өрлеу» біліктілікті арттыру ұлттық орталығының Басқарма төрағасы Ғалымжан Алматовтың төрағалығымен өткен аппараттық кеңесте 2027 жылға арналған білім беру бағдарламаларын әзірлеу, ақылы қызметтерден түсетін кірістер жоспарының орындалуы және оқыту сапасын бағалау мәселелері қаралды.
Кеңес барысында Қоғамдық-гуманитарлық бағыттағы зертхананың басшысы Гүлфарида Мырзақұлова 2027 жылға жоспарланған білім беру бағдарламаларын әзірлеу жөніндегі жұмыс тобының қызметі туралы баяндады. Бүгінде пәндік, пәнаралық бағыттағы және білім беру менеджментіне арналған 20 білім беру бағдарламасы бекітілген. Экономика және қаржы департаментінің басшысы Гаухар Узакова ақылы қызметтерден түсетін кірістер жоспарының орындалуы жөнінде ақпарат ұсынса, Сапаны бағалау департаментінің басшысы Ақмарал Жұмықбаева тренерлердің оқыту және бағалау тәжірибесін бақылаудың мақсаты, тәсілдері мен алғашқы нәтижелеріне тоқталды.
Сондай-ақ Павлодар облысы бойынша филиал директоры Бибігүл Нығметова мен Түркістан облысы бойынша филиал директоры Нұржан Нұрлыбаев филиалдардың ішкі жұмысының қорытындылары туралы баяндап, атқарылған жұмыстар мен алдағы міндеттерге тоқталды.
Жиын қорытындысы бойынша білім беру бағдарламаларының сапасын жетілдіру, ақылы курстар бойынша жоспарлы көрсеткіштердің орындалуын қамтамасыз ету, тренерлердің жұмысын бақылау барысында анықталған мәселелерді шешу және оқыту сапасын арттыру бағытында нақты тапсырмалар берілді.
Басқа жаңалықтар
ПЕДАГОГТЕРДІ АТТЕСТАТТАУДЫҢ ПИЛОТТЫҚ ЖОБАСЫ ТҮСІНДІРІЛДІ
8 қазан күні жоспарға сәйкес «Өрлеу» БАҰО» АҚ «БҚО бойынша КДИ» филиалы директорының орынбасары К. Байкатованың жетекшілігімен институт базасында біліктілікті арттыру курстарынан өтіп жатқан тыңдаушыларға педагогтерді аттестаттаудың пилоттық жобасын түсіндіруге арналған ақпараттық кездесу өтті. Кездесуге тарих, информатика, география және бастауыш сынып мұғалімдері, орта білім беру ұйымдарының педагогтері, әдіскерлер мен басшы орынбасарлары қатысты. Барлығы 100-ден астам…
«ҰСТАЗ» ПЛАТФОРМАСЫ: ЖАҢАДАН ТАҒАЙЫНДАЛҒАН ЖАУАПТЫ МАМАНДАРҒА АРНАЛҒАН ОНЛАЙН-СЕМИНАР ӨТТІ
Педагогтерді аттестаттаудың пилоттық жобасы аясында ақпараттық-түсіндіру жұмыстарын жүргізу мақсатында Атырау қаласы мен облыс аудандарындағы мектептер мен балабақшалардың жаңадан тағайындалған жауапты мамандарына арналған онлайн-семинар ұйымдастырылды. Семинар барысында пилоттық жоба бойынша педагогтерді аттестаттаудың негізгі талаптары мен кезеңдері, «Ұстаз» платформасында жұмыс істеу тәртібі, портфолионы қалыптастыру және қажетті мәліметтерді енгізу мәселелері жан-жақты түсіндірілді. Ақпараттық-түсіндіру жұмысын «Өрлеу» біліктілікті арттыру ұлттық…
ПЕДАГОГТЕРДІ АТТЕСТАТТАУДЫҢ ПИЛОТТЫҚ ЖОБАСЫ: ТҮСІНДІРУ ЖҰМЫСТАРЫ ЖАЛҒАСУДА
«Өрлеу» БАҰО» АҚ Шымкент қаласы бойынша Кәсіби даму институтында педагогтерді аттестаттаудың пилоттық жобасы аясында ақпараттық-түсіндіру және консультациялық-әдістемелік қолдау жұмыстары жалғасуда. Институтта білім беру ұйымдарының педагогтеріне арналған түсіндірме кездесу өтті. Кездесу барысында ҚР Оқу-ағарту министрінің м.а. 2026 жылғы 5 маусымдағы №159-НҚ бұйрығымен бекітілген талаптар және пилоттық жоба аясындағы аттестаттаудың жаңа тәртібі түсіндірілді. Атап айтқанда, педагогтердің кәсіби…