800-ге жуық педагог курсты сәтті аяқтады

 📚«Өрлеу» БАҰО» Түркістан облысы бойынша кәсіби даму институтында 28 қыркүйек пен 9 қазан аралығында жоспарлаған біліктілікті арттыру курстары сәтті аяқталды. Бұл жолы мемелкеттік тапсырыс аясында 32 білім беру бағдарламасы бойынша 793 педагог білімін жетілдірді. Олардың қатарында орта білім беру ұйымдарының басшылары мен орынбасарлары, математика, физика, биология, ағылшын тілі, информатика, бастауыш сынып мұғалімдері, шағын жинақты мектеп педагогтері мен әдіскерлер бар.

Тыңдаушыларға институт базасында сертификаттар салтанатты түрде табысталды. Филиал директоры мен директордың орынбасарлары қатысушыларға сәттілік тілеп, алғысын жеткізді. Курс барысында белсенділік танытып, үздік нәтиже көрсеткендер арнайы марапатталды. Мемлекеттік орта білім беру ұйымдарының педагогтеріне арналған қысқамерзімді біліктілікті арттыру бюджеттік курстар алдағы уақытта жалғасын табады.

Бұл курстар педагогке не береді?

✅ Жаңартылған білім мазмұны мен мемлекеттік стандарттарды тәжірибеде қолдану

✅ ЖИ, STEAM, робототехника, инклюзивті білім беру бойынша заманауи құзыреттер

✅ Кәсіби қоғамдастық, тәжірибе алмасу және әдістемелік қолдау

Кәсіби даму – үздіксіз процесс!