ПЕДАГОГТЕРДІ КУРСТАН КЕЙІНГІ ҚОЛДАУ – БАСТЫ НАЗАРДА
Педагогтерді курстан кейінгі сүйемелдеу – кәсіби дамуды тәжірибемен ұштастыруға мүмкіндік беретін маңызды кезең.
Филиалда педагогтерді курстан кейінгі қолдау жүйесіндегі өзгерістер туралы ақпараттық-түсіндірме жұмыстары жүргізілуде. Өңірдегі білім беру ұйымдарының басшыларымен өткен кездесу барысында педагогтердің біліктілігін арттыру курстарын ұйымдастыру мен курстан кейінгі қолдауды реттейтін нормативтік құжаттарға, соның ішінде ҚР Білім және ғылым министрінің 2016 жылғы 28 қаңтардағы №95 бұйрығымен бекітілген қағидаларға және өзгерістерге назар аударылды. Сонымен бірге білім беру ұйымдарының өзара байланысы педагогтің кәсіби дамуын жүйелі сүйемелдеуге бағытталатыны атап өтілді.
Қатысушыларға LMS, BELES платформасында жұмысты ұйымдастыру тәртібі көрсетіліп, жеке жоспар мен сабақ материалдарын жүктеу, куратордан кері байланыс алу, талдамалық есеп ұсыну және курстан кейінгі қолдау кезеңдерін аяқтау жолдары таныстырылды. Сондай-ақ диагностикалық бағалау мен сауалнама арқылы оқыту нәтижелерін бақылаудың маңызы айтылды.
Біздің мақсатымыз – педагогтің курста меңгерген дағдысын күнделікті тәжірибесінде тиімді қолдануына қолдау көрсету. Бірлескен әдістемелік сүйемелдеу педагогтің кәсіби әлеуетін нығайтып, білім алушының оқу жетістігін арттыруға және білім сапасын жақсартуға жол ашады.
Басқа жаңалықтар
ПЕДАГОГТЕРДІ АТТЕСТАТТАУДЫҢ ПИЛОТТЫҚ ЖОБАСЫ ТҮСІНДІРІЛДІ
8 қазан күні жоспарға сәйкес «Өрлеу» БАҰО» АҚ «БҚО бойынша КДИ» филиалы директорының орынбасары К. Байкатованың жетекшілігімен институт базасында біліктілікті арттыру курстарынан өтіп жатқан тыңдаушыларға педагогтерді аттестаттаудың пилоттық жобасын түсіндіруге арналған ақпараттық кездесу өтті. Кездесуге тарих, информатика, география және бастауыш сынып мұғалімдері, орта білім беру ұйымдарының педагогтері, әдіскерлер мен басшы орынбасарлары қатысты. Барлығы 100-ден астам…
«ҰСТАЗ» ПЛАТФОРМАСЫ: ЖАҢАДАН ТАҒАЙЫНДАЛҒАН ЖАУАПТЫ МАМАНДАРҒА АРНАЛҒАН ОНЛАЙН-СЕМИНАР ӨТТІ
Педагогтерді аттестаттаудың пилоттық жобасы аясында ақпараттық-түсіндіру жұмыстарын жүргізу мақсатында Атырау қаласы мен облыс аудандарындағы мектептер мен балабақшалардың жаңадан тағайындалған жауапты мамандарына арналған онлайн-семинар ұйымдастырылды. Семинар барысында пилоттық жоба бойынша педагогтерді аттестаттаудың негізгі талаптары мен кезеңдері, «Ұстаз» платформасында жұмыс істеу тәртібі, портфолионы қалыптастыру және қажетті мәліметтерді енгізу мәселелері жан-жақты түсіндірілді. Ақпараттық-түсіндіру жұмысын «Өрлеу» біліктілікті арттыру ұлттық…
ПЕДАГОГТЕРДІ АТТЕСТАТТАУДЫҢ ПИЛОТТЫҚ ЖОБАСЫ: ТҮСІНДІРУ ЖҰМЫСТАРЫ ЖАЛҒАСУДА
«Өрлеу» БАҰО» АҚ Шымкент қаласы бойынша Кәсіби даму институтында педагогтерді аттестаттаудың пилоттық жобасы аясында ақпараттық-түсіндіру және консультациялық-әдістемелік қолдау жұмыстары жалғасуда. Институтта білім беру ұйымдарының педагогтеріне арналған түсіндірме кездесу өтті. Кездесу барысында ҚР Оқу-ағарту министрінің м.а. 2026 жылғы 5 маусымдағы №159-НҚ бұйрығымен бекітілген талаптар және пилоттық жоба аясындағы аттестаттаудың жаңа тәртібі түсіндірілді. Атап айтқанда, педагогтердің кәсіби…