Раритеттерден жаңалықтарға дейін: кітапхана қорымен танысу

«Өрлеу» БАҰО» АҚ Ақмола облысы бойынша филиалының кітапханасында курс тыңдармандарының басын қосқан сирек әрі құнды басылымдар көрмесі өтті. Шара аясында кітапханашы мазмұнды шолу өткізді: қонақтар жаңадан түскен әдебиеттер мен өзекті оқу-методикалық құралдармен танысып қана қоймай, сақталған ескі қор арқылы өткен дәуірлердің тынысын сезіне алды. Қатысушылар уақыт сынағынан өткен бірегей даналармен танысып, олардың коллекцияға қалай түскенін білді және заманауи білім беру процесіндегі сирек кітаптардың орны туралы пікір алысты.