«Ұстаз» платформасы бойынша түсіндірме жұмыстары жалғасуда

«Өрлеу» біліктілікті арттыру ұлттық орталығының Түркістан облысы бойынша кәсіби даму институты платформа бойынша техникалық және әдістемелік қолдауға бағытталған ақпараттық-түсіндірме жұмыстарын ұйымдастырды. Вебинарға институт директорының орынбасары Мұхтар Ахтаев, бас маман Гаухар Ауешова және жүйе әкімшісі Ердәулет Алимжанов қатысып, аудандық, қалалық білім бөлімдерінің әдістемелік кабинет меңгерушілеріне, әдіскерлеріне аттестацияға жауапты кадр мамандарына түсіндірме жұмыстарын жүргізді.

Вебинар барысында «Ұстаз» платформасының мүмкіндіктері, жүйеге деректерді енгізу талаптары мен тәртібі жайлы жан-жақты бағыт-бағдар берілді. Сонымен қатар педагогтердің жеке профилін дұрыс толтыру тәртібі, құжаттарды жүктеу кезінде туындауы мүмкін қындықтардың себептерін анықтау және олардың алдын алу жайы қарастырылды. Біліктілік санатының әр санаты бойынша шектік деңгейлер түсіндірілді. Қатысушылар аттестаттау материалдарын жүйелі дайындау бойынша ақпараттармен танысып, көкейде жүрген сұрақтарына жауап алды.