«ӨРЛЕУ» ТАМЫЗ КЕҢЕСІНДЕ: ПЕДАГОГТІҢ ЦИФРЛЫҚ ПРОФИЛІ – АТТЕСТАТТАУДЫҢ ЖАҢА ФОРМАТЫ
Астана қаласы педагогтерінің дәстүрлі басқосуы – кәсіби тәжірибе алмасуға, заманауи технологиялардың мүмкіндіктерін талқылауға және жаңа оқу жылының маңызды міндеттерін айқындауға мүмкіндік беретін мазмұнды алаң.
«Білім беру жүйесінің стратегиялық дамуы: Конституциялық құндылықтар, ЖИ және адами капитал» тақырыбындағы жиында құндылықтарды оқу-тәрбие үдерісіне енгізу, жасанды интеллектіні жауапкершілікпен қолдану, адами капиталды дамыту және педагогтердің кәсіби әлеуетін арттыру мәселелері талқыланды.
Кеңестің маңызды тақырыптарының бірі – педагогтерді аттестаттаудың жаңа форматы. «Өрлеу» БАҰО» АҚ Оқу-әдістемелік жұмыс департаментінің директоры Сәуле Вильданова «Аттестаттаудың пилоттық жобасы: мектепке дейінгі ұйым педагогінің цифрлық профилі» тақырыбында баяндама жасап, жобаның негізгі тетіктерін таныстырды.
Пилоттық жоба 2026 жылғы 1 қыркүйектен 31 желтоқсанға дейін жүзеге асырылады. Оның басты ерекшелігі – белгіленген талаптарға сәйкес келетін мектепке дейінгі ұйым педагогтеріне тестілеусіз, «Ұстаз» платформасында цифрлық профиль қалыптастыру арқылы аттестаттаудан өту мүмкіндігін беру.
Жаңа форматта педагогтің күнделікті кәсіби тәжірибесі мен нақты нәтижесіне басымдық беріледі. Цифрлық профильде тәрбиелеу-білім беру процесінің сапасы, кәсіби шеберлігі, тәжірибесін таратуы, біліктілігін арттыруы, әріптестерінің кәсіби дамуына қолдау көрсетуі және ата-аналармен жұмысы ескеріледі.
«Өрлеу» үшін басты бағдар – педагогтің кәсіби дамуын үздіксіз қолдап, тәжірибесі мен шеберлігін нақты нәтижелер арқылы бағалауға мүмкіндік беретін заманауи орта қалыптастыру.
Басқа жаңалықтар
ПЕДАГОГТЕРДІ АТТЕСТАТТАУДЫҢ ПИЛОТТЫҚ ЖОБАСЫ ТҮСІНДІРІЛДІ
8 қазан күні жоспарға сәйкес «Өрлеу» БАҰО» АҚ «БҚО бойынша КДИ» филиалы директорының орынбасары К. Байкатованың жетекшілігімен институт базасында біліктілікті арттыру курстарынан өтіп жатқан тыңдаушыларға педагогтерді аттестаттаудың пилоттық жобасын түсіндіруге арналған ақпараттық кездесу өтті. Кездесуге тарих, информатика, география және бастауыш сынып мұғалімдері, орта білім беру ұйымдарының педагогтері, әдіскерлер мен басшы орынбасарлары қатысты. Барлығы 100-ден астам…
«ҰСТАЗ» ПЛАТФОРМАСЫ: ЖАҢАДАН ТАҒАЙЫНДАЛҒАН ЖАУАПТЫ МАМАНДАРҒА АРНАЛҒАН ОНЛАЙН-СЕМИНАР ӨТТІ
Педагогтерді аттестаттаудың пилоттық жобасы аясында ақпараттық-түсіндіру жұмыстарын жүргізу мақсатында Атырау қаласы мен облыс аудандарындағы мектептер мен балабақшалардың жаңадан тағайындалған жауапты мамандарына арналған онлайн-семинар ұйымдастырылды. Семинар барысында пилоттық жоба бойынша педагогтерді аттестаттаудың негізгі талаптары мен кезеңдері, «Ұстаз» платформасында жұмыс істеу тәртібі, портфолионы қалыптастыру және қажетті мәліметтерді енгізу мәселелері жан-жақты түсіндірілді. Ақпараттық-түсіндіру жұмысын «Өрлеу» біліктілікті арттыру ұлттық…
ПЕДАГОГТЕРДІ АТТЕСТАТТАУДЫҢ ПИЛОТТЫҚ ЖОБАСЫ: ТҮСІНДІРУ ЖҰМЫСТАРЫ ЖАЛҒАСУДА
«Өрлеу» БАҰО» АҚ Шымкент қаласы бойынша Кәсіби даму институтында педагогтерді аттестаттаудың пилоттық жобасы аясында ақпараттық-түсіндіру және консультациялық-әдістемелік қолдау жұмыстары жалғасуда. Институтта білім беру ұйымдарының педагогтеріне арналған түсіндірме кездесу өтті. Кездесу барысында ҚР Оқу-ағарту министрінің м.а. 2026 жылғы 5 маусымдағы №159-НҚ бұйрығымен бекітілген талаптар және пилоттық жоба аясындағы аттестаттаудың жаңа тәртібі түсіндірілді. Атап айтқанда, педагогтердің кәсіби…