Әріптестерге құрмет көрсетілді

Бүгін «Өрлеу» БАҰО» АҚ Түркістан облысы бойынша кәсіби даму институтының директоры Нұржан Нұрлыбаев ұжым атынан бірқатар әріптестерімізге құрмет көрсетті.

Жаратылыстану-математикалық бағыт кафедрасының аға оқытушысы Гүлмира Оралбайқызы Орынбасарованы «Ұстаздар күні» мерекесіне орай алған марапатымен және Қоғамдық-гуманитарлық бағыт кафедрасының аға оқытушысы Зульфия Ахметқызы Айнабекованы «Республика күні» қарсаңында алған марапатымен, сондай-ақ Әкімшілік жұмыс бөлімінің бастығы Гүлдариха Рахматуллақызы Абитаеваны мерейлі 55 жасымен құттықтады.

ҚР Оқу-ағарту министрлігінің «Білім беру саласының үздігі» төсбелгі иегері Гүлмира Оралбайқызы 1998 жылдан бері білім жетілдіру жүйесінде, оның ішінде «Өрлеу» жүйесінде 30 жылға жуық үздіксіз абыроймен еңбек етіп келеді.

ҚР Оқу-ағарту министрлігінің «Салаға қосқан үлесі үшін» медалінің иегері Зульфия Ахметқызы білім беру саласына 36 жыл ғұмырын арнаған білікті ұстаз, тәжірибелі маман. 1995 жылдан бастап білім жетілдіру жүйесінде, оның ішінде «Өрлеу» жүйесінде 30 жылдан астам үздіксіз еңбек етіп келеді.

Гүлдариха Рахматуллақызы педагогтердің біліктілігін арттыру жүйесінде отыз жылдан астам уақыт бойы еңбек етіп келе жатқан, кәсіби біліктілігі жоғары маман. Еңбек жолын 1992 жылы есепші қызметінен бастап, бас маман, бөлім басшысы қызметтерін атқарып, қазіргі таңда көп жылғы еңбек тәжірибесі, ұйымдастырушылық қабілеті мен жауапкершілігінің арқасында Әкімшілік жұмыс бөлімінің бастығы қызметін абыроймен атқарып келеді.

Әріптестерді мерейлі сәтімен құттықтай отырып, шығармашылық табыс, қызметте абырой тілейміз! Қуаныштарыңыз құтты болсын!