«Мұғалім журналы» журналы мақалаларына сараптама жүргізу бойынша фокус-топ отырысы

«Өрлеу» біліктілікті арттыру ұлттық орталығы» АҚ Акмола облысы бойынша филиалында республикалық ғылыми-әдістемелік «Мұғалім журналы» журналына келіп түскен мақалаларға сараптама жүргізу бойынша фокус-топ отырысы өтті.

Фокус-топ құрамына біліктілікті арттыру курсы тыңдаушылары – химия пәні мұғалімдері кірді. Біздің педагогтер тәуелсіз сарапшылар ретінде журналға келіп түскен мақалаларға талдау жасады. Талқылау барысында келесі мәселелерге баса назар аударылды:

 * ұсынылған материалдардың өзектілігі мен жаңашылдығы;

 * ғылымилығы мен әдістемелік құндылығы;

 * химияны оқытудағы тәжірибелік қолданылуы;

 * журналдың жарияланым талаптарына сәйкестігі.

Мұғалімдер әрбір мақалаға объективті баға беріп қана қоймай, материалдарды жетілдіру бойынша авторларға нақты ұсыныстар әзірледі. Жұмыстың мұндай форматы – кәсіби өсу, сараптамалық құзыреттілікті дамыту және педагогикалық тәжірибе алмасу үшін тамаша мүмкіндік.

Химия пәні мұғалімдеріне белсенді жұмысы және «Мұғалім журналы» журналына сараптама жүргізудеги кәсіби көзқарасы үшін алғыс білдіреміз!