КЕЗЕКТІ ҚАРЖЫЛЫҚ САУАТТЫЛЫҚ КУРСЫ АЯҚТАЛДЫ

«Өрлеу» БАҰО АҚ Түркістан облысы бойынша кәсіби даму институтында орта білім беру ұйымдарының басшылары мен математика пәні педагогтеріне арналған «Қаржылық сауаттылық негіздері» тақырыбындағы біліктілікті арттыру курсының кезекті тобы аяқталды.

25 тыңдаушы қатысқан курстың тренері – Жұманова Райхан Мұратқызы. Бағдарлама мақсаты – педагогтердің жеке қаржыны басқару, қаржы өнімдерімен жұмыс және негізделген қаржылық шешім қабылдау дағдыларын дамыту.

Курс барысында қаржылық мінез-құлық психологиясы, ұлттық қаржы жүйесі, инфляция, несиелеу, зейнетақымен қамсыздандыру, ақша түрлері мен инвестициялық құралдар, қаржылық алаяқтықты тану және цифрлық құралдар арқылы жеке бюджет құру мәселелері қарастырылды.

Қаржылық сауаттылықтың жеткілікті деңгейі – азаматтың өмір сүру деңгейі мен қаржылық қауіпсіздігінің кепілі. Сондықтан курс тыңдаушыға:

Жеке бюджетті құру және сауатты басқару;

Банк, сақтандыру компанияларымен дұрыс қарым-қатынас құру;

Қаржылық алаяқтықты танып, жеке деректері мен қаражатын қорғау;

Инвестиция және қаржылық операцияларды цифрлық құралдармен қадағалау;

Алған тәжірибесін оқушыларға жеткізіп, олардың қаржылық мәдениетін қалыптастыру дағдыларын береді.