Мемлекеттік жалпыға міндетті білім беру стандартын жүзеге асырудағы жаңа тәсілдер: мақсаттан күтілетін оқу нәтижесіне жету. «Қазақ тілі» және «Қазақ әдебиеті» (Т1)

«Мемлекеттік жалпыға міндетті білім беру стандартын жүзеге асырудағы жаңа тәсілдер: мақсаттан күтілетін оқу нәтижесіне жету. «Қазақ тілі» және «Қазақ әдебиеті» (Т1)» бағдарламасы педагогтердің пәндік-әдістемелік құзыреттіліктерін жетілдіруге және МЖМБС талаптарын тиімді іске асыруға бағытталған. Бағдарламада оқу нәтижелерін жоспарлау, құндылыққа негізделген және инклюзивті оқыту, функционалдық сауаттылықты дамыту, заманауи оқыту мен бағалау әдістерін қолдану, цифрлық ресурстар мен жасанды интеллект құралдарын сабақ үдерісіне кіріктіру мәселелері қарастырылады. Курс барысында қатысушылар тәжірибеге бағдарланған тапсырмалар арқылы сабақтарды тиімді жобалау, оқу жетістіктерін бағалау және кәсіби рефлексия жүргізу дағдыларын дамытады.