Хабарландыру нысанасы: Қазақстан Республикасы, Атырау облысы, Атырау қаласы, Адмирал Л. Владимирский көшесі, 24-үй мекенжайы бойынша орналасқан үш қабатты ғимарат.

Жалпы ауданы: 1 436,5 (бір мың төрт жүз отыз алты бүтін оннан бес) шаршы метр.

Жалға алу ақысының мөлшері: 1 шаршы метр үшін айына ҚҚС есебімен 4 000 (төрт мың) теңге. Жалға алу ақысы ай сайын төленеді.

Нысанның қысқаша техникалық сипаттамасы: 1971 жылы салынған, жертөлесі мен цокольді қабаты жоқ кірпіштен соғылған үш қабатты ғимарат. Шатыры – металл черепица, терезе блоктары – пластик, есіктері – ағаш және металл. Ғимарат қаланың барлық қажетті орталықтандырылған инженерлік желілеріне, соның ішінде жылумен жабдықтау, сумен жабдықтау және кәріз жүйелеріне қосылған. Инженерлік жабдықталуы автоматикалық өрт дабылы мен күзет дабылы жүйесін қамтиды.

Нысанды мақсатты пайдалану: Ғимаратты пайдалану мақсаты нысанның функционалдық және техникалық арналуына, қауіпсіздік талаптарына, санитарлық, өртке қарсы және өзге де міндетті талаптарға, сондай-ақ Шарт талаптарына сәйкес келген жағдайда, Қазақстан Республикасының заңнамасымен тыйым салынбаған қызметті жүзеге асыру үшін.

Рәсімге қатысушылар: Қатысуға Қазақстан Республикасы заңнамасының және Қоғамның ішкі нормативтік құжаттарының талаптарына сәйкес келетін жеке және заңды тұлғалар, сондай-ақ жеке кәсіпкерлер жіберіледі.

Әлеуетті жалға алушыны таңдау критерийлері:

1. ұсынылатын жалға алу ақысының мөлшері;
2. нысанды пайдалану шарттары мен тиімділігі;
3. өтініш берушінің Қазақстан Республикасының заңнамасында, осы хабарландыруда және құжаттамада белгіленген талаптарға сәйкестігі;
4. құжаттамада көзделген басқа да критерийлер.

Өтінімдерді беру тәртібі мен мерзімдері:

Қатысуға өтінімдер 2026 жылғы 2 қыркүйектен 10 қыркүйекке дейін (қоса алғанда) Астана қ., Достық к-сі, 18, 22-қабат, 13-кабинет, «Москва» БО мекенжайы бойынша қабылданады.

Өтінімдерді қарау күні, уақыты мен орны: 2026 жылғы 11 қыркүйек сағат 10:00-де, Астана қ., Достық к-сі, 18, 22-қабат, «Москва» БО мекенжайы бойынша.

Рәсімге қатысу тәртібі:

Қатысу үшін әлеуетті жалға алушы белгіленген мерзімде осы хабарландыруда көрсетілген тәсілмен қағаз жеткізгіште не электрондық нысанда өтінім береді.

Қағаз жеткізгіштегі өтінімге өтініш беруші немесе оның уәкілетті өкілі қол қояды және желімденген конвертте ұсынылады.

Электрондық өтінім және оған қоса берілетін құжаттар PDF форматында kuzhat@orleu-edu.kz электрондық пошта мекенжайына 2026 жылғы 10 қыркүйек сағат 18:00-ден кешіктірілмей жіберіледі.

Өтінімде мыналар болуы тиіс:

1. заңды тұлғаның атауы немесе жеке тұлғаның немесе жеке кәсіпкердің тегі, аты, әкесінің аты (бар болса), өтініш берушінің сәйкестендіру және байланыс деректері;
2. нысанды пайдалану мақсаты;
3. егер хабарландыруда нұсқаларға жол берілсе, ұсынылатын жалға алу мерзімі;
4. мөлшері бастапқы бағадан төмен болмайтын ұсынылатын айлық жалға алу ақысы;
5. осы хабарландырудың міндетті шарттарымен және Шарт жобасымен келісімін растау;
6. өтініш берушінің белгіленген талаптарға сәйкестігін растайтын мәліметтер мен құжаттар.

Өтінімге мынадай құжаттар қоса беріледі:

1. құрылтай құжаттарының көшірмелері — заңды тұлғалар үшін;
2. жеке басын куәландыратын құжаттың көшірмесі — жеке тұлғалар үшін; жеке кәсіпкер ретінде мемлекеттік тіркелгенін растайтын құжат не электрондық нысандағы тиісті мәліметтер — жеке кәсіпкерлер үшін;
3. өтінім берілген күнге дейін бір айдан ерте емес берілген салықтар мен басқа да міндетті төлемдер бойынша берешектің жоқтығын растайтын құжат;
4. өкілдің өкілеттігін растайтын құжат — өтінімді өкіл берген жағдайда.

Мемлекеттік ақпараттық жүйелерден алынған мәліметтер электрондық құжаттар, цифрлық құжаттар, анықтамалар немесе тексерілетін үзінді көшірмелер түрінде ұсынылуы мүмкін.

Белгіленген мерзімнен кеш түскен өтінімдер өтініш берушіге тиісті хабарлама жіберіле отырып, қарауға қабылданбайды.

Комиссия өтінімді мынадай жағдайларда кері қайтаруға құқылы:

1. өтінім белгіленген мерзім өткеннен кейін берілсе;
2. егер тиісті кемшіліктер өтінімнің мазмұнын өзгертпей жойылмайтын болса, міндетті құжаттар немесе мәліметтер болмағанда;
3. шынайы емес мәліметтер ұсынылғанда;
4. өтініш беруші немесе ұсынылған нысанды пайдалану белгіленген міндетті талаптарға сәйкес келмегенде;
5. бастапқы бағадан төмен жалға алу ақысы ұсынылғанда.

Рәсім қатысушыларының құқықтары:

1. рәсімді өткізу мәселелері бойынша құжаттама мен түсініктемелер алуға;
2. нысанды алдын ала қарап шығуға;
3. осы хабарландыруда көзделген тәсілмен жазбаша немесе электрондық хабарлама жіберу арқылы өтінімді қабылдау мерзімі аяқталғанға дейін оны өзгертуге немесе кері қайтарып алуға.

Қосымша шарттар:

Ғимаратты мақсатты тағайындауы бойынша одан әрі пайдалану үшін қажетті жөндеу-қалпына келтіру жұмыстарын жүргізу қажет болған жағдайда, жалға алушы ретінде таңдалған тұлға оларды Қазақстан Республикасының қолданыстағы заңнамасының талаптарына және жалға алу шартының шарттарына сәйкес өз есебінен орындайды.

Ғимараттың үй-жайларын жөндеу немесе дайындау кезеңіне арналған жалға алу демалыстары (жеңілдіктер) мүмкін және жалға алу шартын жасасу кезінде жеке талқыланады.

Коммуналдық қызметтерге, пайдалану шығыстарына, сондай-ақ нысанды пайдалануға және күтіп ұстауға байланысты басқа да міндетті төлемдерді төлеу бойынша міндеттемелер Жалға алушыға жүктеледі.

Байланысатын тұлға: Т. Калиева
Телефон: 8 771 155 26 44
Жалдау шартының үлгісі: ссылка