Хабарландыру мәні: Қазақстан Республикасы, Қарағанды облысы, Балқаш қ., Шоқан Уәлиханов көшесі, 1-үй мекенжайы бойынша орналасқан, 1940 жылы салынған төрт қабатты кірпіш ғимараттың екінші қабатындағы, әрлеуі толық жасалған, жалпы ауданы 117,6 шаршы метрді құрайтын 5 офис орынжайы.

Нысанның қысқаша техникалық сипаттамасы: орынжайлар мақсатына сай пайдалануға жарамды тиісті техникалық жағдайда, әрлеуі толық жасалған. Еден жабыны — линолеум, төбесі — «Армстронг» үлгісіндегі аспалы төбе, қабырғалары сумен эмульсияланған бояумен боялған. Терезе блоктары — пластикалық, жалюзимен жабдықталған. Жылыту және электрмен жабдықтау жүйелері бар. Екі орынжайда кондиционер орнатылған, екі орынжайда сумен жабдықтау қарастырылған. Өрт дабылы бар. Санитарлық торап қабатта орналасқан. Жиһаз бен жабдықтар жоқ.

Орынжайлар келісілген жалға алу шарттарына сәйкес жеке-жеке де, бірге де (бірнешеуі немесе барлық орынжайлар) жалға берілуі мүмкін.

Орынжайлардың ауданы: 39,2 ш. м, 31,9 ш. м, 17,5 ш. м, 14,5 ш. м және 14,5 ш. м.

Жалға алу төлемінің мөлшері: 1 ш. метр үшін айына ҚҚС-ты есепке алғанда 3 000 (үш мың) теңге. Жалға алу төлемі ай сайын енгізіледі.

Нысанды мақсатты пайдалану: пайдалану мақсаты нысанның функционалдық және техникалық арналуына, қауіпсіздік, санитарлық, өртке қарсы және өзге де міндетті талаптарға, сондай-ақ Шарт шарттарына сәйкес келген жағдайда, Қазақстан Республикасының заңнамасымен тыйым салынбаған қызметті жүзеге асыру үшін.

Процедураға қатысушылар: қатысуға Қазақстан Республикасының заңнамасы талаптарына және Қоғамның ішкі нормативтік құжаттарына сәйкес келетін жеке және заңды тұлғалар, сондай-ақ дара кәсіпкерлер жіберіледі.

Әлеуетті жалға алушыны таңдау критерийлері:

1. Ұсынылатын жалға алу төлемінің мөлшері;
2. Нысанды пайдалану шарттары мен тиімділігі;
3. Өтініш берушінің Қазақстан Республикасының заңнамасында, осы хабарландыруда және құжаттамада белгіленген талаптарға сәйкестігі;
4. Құжаттамада қарастырылған басқа да критерийлер.

Өтінімдерді беру тәртібі мен мерзімдері: қатысуға өтінімдер 2026 жылғы 3 қыркүйектен 14 қыркүйекке дейін (қоса алғанда) Астана қ., Достық к-сі, 18, 22-қабат, 13-кабинет, «Москва» БО мекенжайы бойынша қабылданады.

Өтінімдерді қарау күні, уақыты және орны: 2026 жылғы 15 қыркүйек сағат 10:00-де, Астана қ., Достық к-сі, 18, 22-қабат, «Москва» БО мекенжайы бойынша.

Процедураға қатысу тәртібі: қатысу үшін әлеуетті жалға алушы белгіленген мерзімде осы хабарландыруда көрсетілген тәсілмен қағаз жеткізгіште немесе электрондық нысанда өтінім береді.

Қағаз жеткізгіштегі өтінімге өтініш беруші немесе оның уәкілетті өкілі қол қояды және желімделген конвертте ұсынылады.

Электрондық өтінім және оған қоса берілетін құжаттар PDF форматында kuzhat@orleu-edu.kz электрондық пошта мекенжайына 2026 жылғы 14 қыркүйек сағат 18:00-ден кешіктірілмей жіберіледі.

Өтінімде мыналар болуы тиіс:

1. Заңды тұлғаның атауы немесе жеке тұлғаның немесе дара кәсіпкердің тегі, аты, әкесінің аты (бар болса), өтініш берушінің сәйкестендіру және байланыс деректері;
2. Нысанды пайдалану мақсаты;
3. Егер хабарландыруда нұсқаларға жол берілсе, ұсынылатын жалға алу мерзімі;
4. Мөлшері бастапқы бағадан төмен болмайтын ұсынылатын айлық жалға алу төлемі;
5. Осы хабарландырудың міндетті шарттарымен және Шарт жобасымен келісімін растау;
6. Өтініш берушінің белгіленген талаптарға сәйкестігін растайтын мәліметтер мен құжаттар.

Өтінімге мынадай құжаттар қоса беріледі:

1. Құрылтай құжаттарының көшірмелері — заңды тұлғалар үшін;
2. Жеке басын куәландыратын құжаттың көшірмесі — жеке тұлғалар үшін; дара кәсіпкер ретінде мемлекеттік тіркелгенін растайтын құжат немесе электрондық түрдегі тиісті мәліметтер — дара кәсіпкерлер үшін;
3. Өтінім берілген күнге дейін бір айдан ерте емес берілген салықтар мен басқа да міндетті төлемдер бойынша берешектің жоқтығын растайтын құжат;
4. Өкілдің өкілеттігін растайтын құжат — өтінім өкіл арқылы берілген жағдайда.

Мемлекеттік ақпараттық жүйелерден алынған мәліметтер электрондық құжаттар, цифрлық құжаттар, анықтамалар немесе тексерілетін үзінді көшірмелер түрінде ұсынылуы мүмкін.

Белгіленген мерзімнен кеш түскен өтінімдер өтініш берушіге тиісті хабарлама жіберіле отырып қарастырылмайды.

Комиссия өтінімді мынадай жағдайларда кері қайтаруға құқылы:

1. Өтінім белгіленген мерзім өткеннен кейін берілгенде;
2. Егер тиісті кемшіліктер өтінімнің мазмұнын өзгертпей жойылуы мүмкін болмаса, міндетті құжаттар немесе мәліметтер болмағанда;
3. Нақты емес мәліметтер ұсынылғанда;
4. Өтініш беруші немесе ұсынылатын нысанды пайдалану белгіленген міндетті талаптарға сәйкес келмегенде;
5. Бастапқы бағадан төмен жалға алу төлемі ұсынылғанда.

Процедура қатысушыларының құқықтары:

1. Құжаттаманы және процедураны өткізу мәселелері бойынша түсініктемелер алу;
2. Нысанды алдын ала қарап шығу;
3. Осы хабарландыруда қарастырылған тәсілмен жазбаша немесе электрондық хабарлама жіберу арқылы оны қабылдау мерзімі аяқталғанға дейін өтінімді өзгерту немесе кері қайтарып алу.

Қосымша шарттар:

Орынжайлар Жалға алушыға пайдалануға және мақсатты арналуы бойынша пайдалануға жарамды күйде беріледі және тапсыру сәтінде жөндеу-қалпына келтіру жұмыстарын жүргізуді талап етпейді.

Жалға алу кезеңінде орынжайларды пайдалануға байланысты ұсақ косметикалық жөндеу жүргізу қажеттілігі туындаған жағдайда, мұндай жұмыстарды Жалға алушы Қазақстан Республикасының қолданыстағы заңнамасының талаптарына және Жалға алу шартының шарттарына сәйкес өз есебінен жүзеге асырады.

Коммуналдық қызметтерді, пайдалану шығыстарын, сондай-ақ орынжайларды пайдалануға және күтіп-ұстауға байланысты басқа да міндетті төлемдерді төлеу бойынша міндеттемелер Жалға алушыға жүктеледі.

 

Байланысатын тұлға: М. Нукербекова
Телефон: 8 771 165 47 39
Жалдау шартының үлгісі: ссылка