2026 жылдың бірінші жартыжылдығында педагогтерге көрсетілген әдістемелік қолдау қорытындыланды
2026 жылдың алғашқы алты айында «Өрлеу» БАҰО» АҚ Оқу-әдістемелік жұмыс департаменті педагогтерді курстан кейінгі сүйемелдеуді жүйелі түрде жүргізіп, әдістемелік қолдау көрсетуді және «Ұстаз» ұлттық платформасындағы аттестаттау үдерісін сүйемелдеуді жалғастырды.
Осы кезеңде 612 курстан кейінгі іс-шара ұйымдастырылып, 15 мыңнан астам педагогке кәсіби қолдау көрсетілді. Сонымен қатар 379 семинар, шеберлік сағаты мен практикум өткізіліп, оларға 16 мыңнан астам педагог қатысты.
Жартыжылдық ішінде 20 конференция, форум және дөңгелек үстел, сондай-ақ 9 кәсіби байқау мен фестиваль ұйымдастырылды. Аттестаттау мәселелері бойынша 10 әдістемелік материал дайындалды.
Педагогтердің кәсіби дамуына бағытталған онлайн жұмыстар да қарқынды жүргізілді. Осы уақыт аралығында 43 вебинар өтіп, оларға 20 мыңнан астам қосылу тіркелді. Ал пилоттық жоба аясында ұйымдастырылған 8 вебинарға 7 мыңнан астам педагог қатысты.
Әлеуметтік желілердегі жарияланымдар 1,8 миллион қаралым жинап, педагогикалық қауымдастықтың әдістемелік материалдарға қызығушылығы жоғары екенін көрсетті.
Жүргізілген жұмыстар педагогтерге үздіксіз кәсіби қолдау көрсетуге, тәжірибе алмасуға және білім беру сапасын арттыруға бағытталды.
Басқа жаңалықтар
ПЕДАГОГТЕРДІ АТТЕСТАТТАУДЫҢ ПИЛОТТЫҚ ЖОБАСЫ ТҮСІНДІРІЛДІ
8 қазан күні жоспарға сәйкес «Өрлеу» БАҰО» АҚ «БҚО бойынша КДИ» филиалы директорының орынбасары К. Байкатованың жетекшілігімен институт базасында біліктілікті арттыру курстарынан өтіп жатқан тыңдаушыларға педагогтерді аттестаттаудың пилоттық жобасын түсіндіруге арналған ақпараттық кездесу өтті. Кездесуге тарих, информатика, география және бастауыш сынып мұғалімдері, орта білім беру ұйымдарының педагогтері, әдіскерлер мен басшы орынбасарлары қатысты. Барлығы 100-ден астам…
«ҰСТАЗ» ПЛАТФОРМАСЫ: ЖАҢАДАН ТАҒАЙЫНДАЛҒАН ЖАУАПТЫ МАМАНДАРҒА АРНАЛҒАН ОНЛАЙН-СЕМИНАР ӨТТІ
Педагогтерді аттестаттаудың пилоттық жобасы аясында ақпараттық-түсіндіру жұмыстарын жүргізу мақсатында Атырау қаласы мен облыс аудандарындағы мектептер мен балабақшалардың жаңадан тағайындалған жауапты мамандарына арналған онлайн-семинар ұйымдастырылды. Семинар барысында пилоттық жоба бойынша педагогтерді аттестаттаудың негізгі талаптары мен кезеңдері, «Ұстаз» платформасында жұмыс істеу тәртібі, портфолионы қалыптастыру және қажетті мәліметтерді енгізу мәселелері жан-жақты түсіндірілді. Ақпараттық-түсіндіру жұмысын «Өрлеу» біліктілікті арттыру ұлттық…
ПЕДАГОГТЕРДІ АТТЕСТАТТАУДЫҢ ПИЛОТТЫҚ ЖОБАСЫ: ТҮСІНДІРУ ЖҰМЫСТАРЫ ЖАЛҒАСУДА
«Өрлеу» БАҰО» АҚ Шымкент қаласы бойынша Кәсіби даму институтында педагогтерді аттестаттаудың пилоттық жобасы аясында ақпараттық-түсіндіру және консультациялық-әдістемелік қолдау жұмыстары жалғасуда. Институтта білім беру ұйымдарының педагогтеріне арналған түсіндірме кездесу өтті. Кездесу барысында ҚР Оқу-ағарту министрінің м.а. 2026 жылғы 5 маусымдағы №159-НҚ бұйрығымен бекітілген талаптар және пилоттық жоба аясындағы аттестаттаудың жаңа тәртібі түсіндірілді. Атап айтқанда, педагогтердің кәсіби…