БІЛІКТІЛІКТІ АРТТЫРУ КУРСТАРЫ БАСТАЛДЫ
28 қыркүйектен бастап «Өрлеу» БАҰО» АҚ «Батыс Қазақстан облысы бойынша Кәсіби даму институты» филиалында мемлекеттік тапсырыс негізіндегі біліктілікті арттыру курстары басталды. 9 қазанға дейін жалғасатын оқу бағдарламалары педагогтердің кәсіби құзыреттілігін арттыруға, заманауи оқыту тәсілдерін меңгеруге және педагогикалық тәжірибені жетілдіруге бағытталған.
Курс аясында тарих, информатика, география, бастауыш сынып мұғалімдері, орта білім беру ұйымдарының педагогтері, сондай-ақ әдіскерлер мен басшы орынбасарлары білімдерін жетілдіруде. Оқу бағдарламалары мемлекеттік стандартты іске асырудың жаңа тәсілдері, «Адал азамат» бағдарламасының құндылықтарын пән мазмұнына кіріктіру, функционалдық сауаттылық, робототехника және STEAM, педагог тәжірибесін бақылау арқылы әдістемелік қолдау бағыттарын қамтиды.
Оқу барысында тыңдаушылар теориялық білімді практикалық тапсырмалармен ұштастырып, заманауи педагогикалық тәсілдерді өз тәжірибесінде тиімді қолдану жолдарын қарастырады. Кезекті біліктілікті арттыру курстары педагогтердің кәсіби дамуына, тәжірибесін жаңартуына және білім беру сапасын арттыруға бағытталған.
Басқа жаңалықтар
ПЕДАГОГТЕРДІ АТТЕСТАТТАУДЫҢ ПИЛОТТЫҚ ЖОБАСЫ ТҮСІНДІРІЛДІ
8 қазан күні жоспарға сәйкес «Өрлеу» БАҰО» АҚ «БҚО бойынша КДИ» филиалы директорының орынбасары К. Байкатованың жетекшілігімен институт базасында біліктілікті арттыру курстарынан өтіп жатқан тыңдаушыларға педагогтерді аттестаттаудың пилоттық жобасын түсіндіруге арналған ақпараттық кездесу өтті. Кездесуге тарих, информатика, география және бастауыш сынып мұғалімдері, орта білім беру ұйымдарының педагогтері, әдіскерлер мен басшы орынбасарлары қатысты. Барлығы 100-ден астам…
«ҰСТАЗ» ПЛАТФОРМАСЫ: ЖАҢАДАН ТАҒАЙЫНДАЛҒАН ЖАУАПТЫ МАМАНДАРҒА АРНАЛҒАН ОНЛАЙН-СЕМИНАР ӨТТІ
Педагогтерді аттестаттаудың пилоттық жобасы аясында ақпараттық-түсіндіру жұмыстарын жүргізу мақсатында Атырау қаласы мен облыс аудандарындағы мектептер мен балабақшалардың жаңадан тағайындалған жауапты мамандарына арналған онлайн-семинар ұйымдастырылды. Семинар барысында пилоттық жоба бойынша педагогтерді аттестаттаудың негізгі талаптары мен кезеңдері, «Ұстаз» платформасында жұмыс істеу тәртібі, портфолионы қалыптастыру және қажетті мәліметтерді енгізу мәселелері жан-жақты түсіндірілді. Ақпараттық-түсіндіру жұмысын «Өрлеу» біліктілікті арттыру ұлттық…
ПЕДАГОГТЕРДІ АТТЕСТАТТАУДЫҢ ПИЛОТТЫҚ ЖОБАСЫ: ТҮСІНДІРУ ЖҰМЫСТАРЫ ЖАЛҒАСУДА
«Өрлеу» БАҰО» АҚ Шымкент қаласы бойынша Кәсіби даму институтында педагогтерді аттестаттаудың пилоттық жобасы аясында ақпараттық-түсіндіру және консультациялық-әдістемелік қолдау жұмыстары жалғасуда. Институтта білім беру ұйымдарының педагогтеріне арналған түсіндірме кездесу өтті. Кездесу барысында ҚР Оқу-ағарту министрінің м.а. 2026 жылғы 5 маусымдағы №159-НҚ бұйрығымен бекітілген талаптар және пилоттық жоба аясындағы аттестаттаудың жаңа тәртібі түсіндірілді. Атап айтқанда, педагогтердің кәсіби…