ЦИФРЛЫҚ ОРТАДАҒЫ ОҚЫРМАНДЫҚ САУАТТЫЛЫҚ: БАСТАУЫШ СЫНЫП ОҚУШЫЛАРЫН ОҚЫТУДЫҢ ЗАМАНАУИ ТӘСІЛДЕРІ
Қарағанды облысының Теміртау қаласында бастауыш сынып мұғалімдеріне арналған «Цифрлық ортада бастауыш сынып оқушыларының оқырмандық сауаттылығын дамыту» тақырыбында педагогтердің біліктілігін арттыру курсы өтуде.
Курстың негізгі мақсаты – заманауи цифрлық ресурстарды, интерактивті құралдар мен тиімді педагогикалық тәжірибелерді пайдалану арқылы бастауыш сынып оқушыларының оқырмандық сауаттылығын қалыптастыру бағытындағы педагогтердің кәсіби құзыреттілігін жетілдіру.
Оқу барысында мұғалімдер оқырмандық сауаттылықты дамытудың өзекті әдістемелерімен танысып, интерактивті тапсырмалар әзірлеуге арналған цифрлық құралдарды меңгереді. Сонымен қатар олардың білім беру үдерісінде қолдану мүмкіндіктерін қарастырады.
Курстың практикалық бөліміне ерекше назар аударылады. Педагогтер ақпаратты іздеу, талдау және түсіндіру, қорытынды жасау, оқыған мәтіннің мазмұнын терең түсіну дағдыларын қалыптастыруға бағытталған тапсырмалар әзірлейді. Сондай-ақ оқу материалдарын дайындау мен сабақтарды ұйымдастыруда жасанды интеллект технологияларын қолдану мүмкіндіктері қарастырылады.
Оқу үдерісінің маңызды бөлігі – кәсіби тәжірибе алмасу. Курс тыңдаушылары тиімді педагогикалық тәжірибелерді талқылап, бастауыш сынып сабақтарында қолдануға арналған әдістемелік шешімдер әзірлейді.
Бұдан бөлек, бастауыш сынып оқушыларының саналы оқу, ақпаратты сыни тұрғыдан бағалау, себеп-салдарлық байланыстарды анықтау және алған білімдерін күнделікті өмірде қолдану дағдыларын қалыптастыруға басымдық беріледі.
Курс педагогтердің әдістемелік әлеуетін кеңейтіп қана қоймай, бастауыш білім беру сапасын арттырудың жаңа мүмкіндіктерін игеруге бағытталған. Цифрлық құралдар мен заманауи оқыту тәсілдерін меңгеру мұғалімдерге мәтінмен жұмыс үдерісін мазмұнды, интерактивті әрі әр баланың білім алу қажеттілігіне сай ұйымдастыруға мүмкіндік береді.
Оқырмандық сауаттылықты дамыту – тек оқу
техникасын меңгерту емес, сонымен қатар ақпаратты түсіну, талдау, өз бетінше ой
қорыту және алған білімін өмірде қолдана білу қабілетін қалыптастыру.
Басқа жаңалықтар
ТӘЖІРИБЕГЕ НЕГІЗДЕЛГЕН ОҚЫТУ: ПЕДАГОГТЕРДІҢ КӘСІБИ ДАМУЫНДАҒЫ ТРЕНЕРДІҢ РӨЛІ
3 қараша күні «Өрлеу» БАҰО» АҚ «БҚО бойынша КДИ» филиалында кәсіби даму апталығы аясында аға оқытушыларға арналған төрт күндік оқыту басталды. Алғашқы күн «Мұғалімдердің кәсіби даярлығындағы тренердің рөлі: тәжірибеге негізделген оқыту» тақырыбына арналды.
ТИІМДІ САБАҚ ТАЛДАУЫ АРҚЫЛЫ КӘСІБИ ДАМУ
2026 жылғы 16 қыркүйекте «Өрлеу» Біліктілікті арттыру ұлттық орталығы» АҚ филиалы Жамбыл облысы бойынша Кәсіби даму институтында курстан кейінгі қолдау жоспарына сәйкес, Жуалы ауданының педагогтеріне арналған «Сабақты көру – түсіну – жақсарту: тиімді талдау алгоритмдері» тақырыбында тренерлік сағат өткізілді.
«Адал азамат » біртұтас тәрбие құндылықтары басқарушылық қызметте» тақырыбындағы біліктілікті арттыру курсы өз жұмысын бастады.
«Адал азамат” біртұтас тәрбие құндылықтары басқарушылық қызметте» біліктілікті арттыру курсы басталды. Ағымдағы жылдың 7 қыркүйегінде білім беру ұйымдарының басшылары мен басшы орынбасарларына арналған «Адал азамат” біртұтас тәрбие құндылықтары басқарушылық қызметте» тақырыбындағы біліктілікті арттыру курсы өз жұмысын бастады.