Елімізде «Келешек мектептері» педагогтеріне арналған онлайн оқыту басталды
Қазақстан Республикасы Оқу-ағарту министрлігінің «Өрлеу» біліктілікті арттыру ұлттық орталығы «Келешек мектептері» педагогтеріне арналған онлайн курсының кезекті легін іске қосты. Оқыту педагогтердің кәсіби құзыреттілігін арттыруға, білім беру үдерісіне заманауи тәсілдерді енгізуге бағытталған.
Биыл жаңа форматтағы 178 қалалық және ауылдық мектептен 4 мыңнан астам педагог оқытудан өтеді. Мұғалімдердің басым бөлігі сабақты қазақ тілінде жүргізеді (87,4%). LMS цифрлық білім беру платформасында жүзеге асатын онлайн курс 11 пәндік бағытты қамтиды: бастауыш оқыту, математика, физика, информатика, химия, биология, география, тарих, қазақ, орыс және ағылшын тілі. Курсқа қатысушылардың тізімін алдын ала өңірлердегі білім басқармалары жинақтады.
Бағдарламалар педагогтердің пәндік білімін тереңдетуге, білім беру сапасын арттыруға және білім алушылармен тиімді өзара әрекеттесу дағдыларын дамытады. LMS жүйесіне оқытудың цифрлық ресурстары: бейнедәрістер, презентациялар, практикалық тапсырмалар, өзіндік бақылауға арналған жұмыстар, сарапшылар сабақтары және тағы басқа материалдар енгізілген. Онлайн оқыту педагогтерге мектептегі оқу үдерісінен қол үзбей білім алуға мүмкіндік береді.
Басқа жаңалықтар
ПЕДАГОГТЕРДІ АТТЕСТАТТАУДЫҢ ПИЛОТТЫҚ ЖОБАСЫ ТҮСІНДІРІЛДІ
8 қазан күні жоспарға сәйкес «Өрлеу» БАҰО» АҚ «БҚО бойынша КДИ» филиалы директорының орынбасары К. Байкатованың жетекшілігімен институт базасында біліктілікті арттыру курстарынан өтіп жатқан тыңдаушыларға педагогтерді аттестаттаудың пилоттық жобасын түсіндіруге арналған ақпараттық кездесу өтті. Кездесуге тарих, информатика, география және бастауыш сынып мұғалімдері, орта білім беру ұйымдарының педагогтері, әдіскерлер мен басшы орынбасарлары қатысты. Барлығы 100-ден астам…
«ҰСТАЗ» ПЛАТФОРМАСЫ: ЖАҢАДАН ТАҒАЙЫНДАЛҒАН ЖАУАПТЫ МАМАНДАРҒА АРНАЛҒАН ОНЛАЙН-СЕМИНАР ӨТТІ
Педагогтерді аттестаттаудың пилоттық жобасы аясында ақпараттық-түсіндіру жұмыстарын жүргізу мақсатында Атырау қаласы мен облыс аудандарындағы мектептер мен балабақшалардың жаңадан тағайындалған жауапты мамандарына арналған онлайн-семинар ұйымдастырылды. Семинар барысында пилоттық жоба бойынша педагогтерді аттестаттаудың негізгі талаптары мен кезеңдері, «Ұстаз» платформасында жұмыс істеу тәртібі, портфолионы қалыптастыру және қажетті мәліметтерді енгізу мәселелері жан-жақты түсіндірілді. Ақпараттық-түсіндіру жұмысын «Өрлеу» біліктілікті арттыру ұлттық…
ПЕДАГОГТЕРДІ АТТЕСТАТТАУДЫҢ ПИЛОТТЫҚ ЖОБАСЫ: ТҮСІНДІРУ ЖҰМЫСТАРЫ ЖАЛҒАСУДА
«Өрлеу» БАҰО» АҚ Шымкент қаласы бойынша Кәсіби даму институтында педагогтерді аттестаттаудың пилоттық жобасы аясында ақпараттық-түсіндіру және консультациялық-әдістемелік қолдау жұмыстары жалғасуда. Институтта білім беру ұйымдарының педагогтеріне арналған түсіндірме кездесу өтті. Кездесу барысында ҚР Оқу-ағарту министрінің м.а. 2026 жылғы 5 маусымдағы №159-НҚ бұйрығымен бекітілген талаптар және пилоттық жоба аясындағы аттестаттаудың жаңа тәртібі түсіндірілді. Атап айтқанда, педагогтердің кәсіби…