ЖАСАНДЫ ИНТЕЛЛЕКТ ПЕН ЦИФРЛЫҚ ТЕХНОЛОГИЯЛАР: ФУНКЦИОНАЛДЫҚ САУАТТЫЛЫҚТЫ ДАМЫТУДЫҢ ЖАҢА МҮМКІНДІКТЕРІ
2026 жылғы 30 қазанда «Өрлеу» біліктілікті арттыру ұлттық орталығы» Маңғыстау облысы бойынша Кәсіби даму институты филиалының ұйымдастыруымен «Функционалдық сауаттылыққа бағытталған оқыту: мұғалім құзыреттілігінің жаңа моделі» атты халықаралық ғылыми-тәжірибелік онлайн конференция өтті.
Конференция аясында «Өрлеу» Шымкент қаласы бойынша Кәсіби даму институты филиалының аға тренері Садыкова Гулайм Әбиқызы «Білім берудегі жаңа мүмкіндік: жасанды интеллект пен цифрлық технологиялар арқылы функционалдық сауаттылықты дамыту» тақырыбында баяндама жасады.
Баяндамада информатика пәнін оқытуда жасанды интеллект пен цифрлық платформаларды тиімді пайдалану, білім алушылардың ақпараттық, цифрлық және сыни ойлау дағдыларын дамыту мәселелері қарастырылды.
Практикалық бөлімде мектептегі электр энергиясын тұтыну көрсеткіштерін электрондық кестелер арқылы талдау, диаграммалар құру және жасанды интеллект көмегімен энергияны үнемдеу жолдарын ұсыну тәжірибесі таныстырылды.
Сонымен қатар жасанды интеллект ұсынған ақпаратты сыни тұрғыдан бағалау, деректерге сүйене отырып шешім қабылдау және цифрлық ресурстарды жауапкершілікпен пайдалану маңыздылығы атап өтілді.
Басқа жаңалықтар
ЖАСАНДЫ ИНТЕЛЛЕКТ – БІЛІМ БЕРУДЕГІ ЖАҢА МҮМКІНДІКТЕР ҚҰРАЛЫ
Сабақ барысында мұғалімдер ChatGPT және басқа да жасанды интеллект платформаларымен жұмыс істеп, олардың білім беру саласындағы мүмкіндіктерін тәжірибе жүзінде зерделеді.
КУРСТЫҢ ЕКІНШІ КҮНІ: ОҚУ МАҚСАТЫНАН – НАҚТЫ НӘТИЖЕГЕ
Курс барысында мемлекеттік жалпыға міндетті білім беру стандартын тиімді іске асыру, оқу үдерісін сауатты жоспарлау және күтілетін нәтижелерге қол жеткізу мәселелеріне басымдық берілуде.
Білім берудегі инновациялар: «Өрлеу» Ақмола филиалында конференция өтті
Ақмола облысы бойынша «Өрлеу» біліктілікті арттыру институтында «Жаңашыл мектеп: білім сапасы, инновациялар және педагогикалық тәжірибелер» атты республикалық ғылыми-тәжірибелік онлайн-конференция өтті.