ЖАСАНДЫ ИНТЕЛЛЕКТ: ИДЕЯДАН ЖОБАҒА
Жасанды интеллект – білім беру үдерісін
жаңғыртып, педагогтің кәсіби мүмкіндіктерін кеңейтетін заманауи құрал. Оны
тиімді қолдану үшін технологияның мүмкіндіктерін танып қана қоймай, нақты білім
беру міндеттерін шешуге бағытталған тәжірибе қалыптастыру маңызды.
2026 жылғы 19–30 қазан аралығында «Өрлеу»
БАҰО» АҚ Шымкент қаласы бойынша Кәсіби даму институтының филиалында «Білім
берудегі ЖИ модельдері» тақырыбындағы біліктілікті арттыру курсы өткізілді.
Курс барысында тыңдаушылар
жасанды интеллект модельдерінің жұмыс істеу ерекшеліктерімен танысып, оларды
сабақ жоспарлау, оқу материалдарын әзірлеу, тапсырмалар құрастыру және білім
алушылардың оқу қажеттіліктеріне бейімделген ресурстар дайындау бағыттарында
қолдану мүмкіндіктерін қарастырды.
Оқытудың маңызды кезеңдерінің бірі – қорытынды
жобаларды әзірлеу және қорғау болды. Тыңдаушылар өз идеяларын нақты жобаларға
айналдырып, жасанды интеллект құралдарын педагогикалық тәжірибеде пайдалану
жолдарын ұсынды. Жобалар арқылы алған білімдерін тәжірибеде қолдану дағдыларын
көрсетіп, жаңа технологияларды оқу үдерісіне енгізу жөніндегі көзқарастарымен
бөлісті.
Курстың басты нәтижесі – педагогтердің жасанды
интеллектіні саналы әрі мақсатты қолдану дағдыларын дамыту, цифрлық
құзыреттілігін жетілдіру және білім беру тәжірибесіне жаңа тәсілдерді енгізуге
бағытталған кәсіби әлеуетін арттыру.
Жаңа технологияны меңгеру –
болашаққа жасалған қадам. Ал идеяны нақты жобаға айналдыру – педагогтің
шығармашылығы мен кәсіби ізденісінің нәтижесі!
Басқа жаңалықтар
ШЕДОУИНГ: ЖАС ПЕДАГОГТІҢ КӘСІБИ БЕЙІМДЕЛУІНЕ ПРАКТИКАЛЫҚ ҚОЛДАУ
30 қазан күні «Өрлеу» БАҰО» АҚ «Батыс Қазақстан облысы бойынша Кәсіби даму институты» филиалында «Шедоуинг – жас педагогтің кәсіби бейімделуінің және тәжірибесін жинақтаудың практикалық тетігі» тақырыбында семинар өтті. Іс-шараға қалалық және аудандық білім бөлімдерінің әдістемелік кабинет әдіскерлері, жалпы білім беретін мектептердің педагог-тәлімгерлері мен жас мұғалімдері қатысты.
Мемлекет басшысының Жолдауына үн қосу: Kókshe эфиріндегі сарапшылар пікірі
Kókshe облыстық телеарнасының «Мемлекет басшысының Жолдауы: білім берудегі жаңа бағыттар» тақырыбындағы жаңалықтар сюжетіне филиалдың Ақмола облысы бойынша директоры Жанна Байгаринова мен курс тыңдаушылары қатысты
«БІР КУРС – БІР КІТАП»: «ГАУҺАРТАС» – АДАМГЕРШІЛІК ПЕН МЕЙІРІМ АЙНАСЫ
«Бір курс – бір кітап» жобасы педагогтердің кітап оқу мәдениетін дамытуға, рухани құндылықтарды дәріптеуге және әдеби шығармалар арқылы кәсіби әрі тұлғалық дамуына ықпал етеді.