«БІР КУРС – БІР КІТАП»: «ГАУҺАРТАС» – АДАМГЕРШІЛІК ПЕН МЕЙІРІМ АЙНАСЫ
«Бір курс – бір кітап» жобасы аясында
«Робототехника және STEAM: оқытудың заманауи тәсілдері» курсының
тыңдаушыларымен қазақ әдебиетінің көрнекті өкілі Дулат Исабековтің «Гауһартас»
повесі бойынша әдеби-танымдық іс-шара өткізілді.
Кездесу барысында педагогтер шығармадағы
адамгершілік құндылықтар, отбасылық қарым-қатынас, мейірім мен сүйіспеншілік,
әйел тағдыры және ұлттық тәрбие мәселелері төңірегінде ой бөлісті.
Курс тыңдаушылары Салтанат, Ыбыш және Қайыркен
бейнелеріне талдау жасап, кейіпкерлердің іс-әрекеттері арқылы адам бойындағы
ізгілік, жауапкершілік, жанашырлық пен өзара түсіністіктің маңызын талқылады.
Шығарма қатысушыларды «Адамның қадірін дер кезінде
бағалай аламыз ба?», «Мейірім мен жылы сөздің адам өміріндегі орны қандай?»
деген маңызды сұрақтар төңірегінде ойлануға жетеледі.
«Бір курс – бір кітап» жобасы педагогтердің кітап
оқу мәдениетін дамытуға, рухани құндылықтарды дәріптеуге және әдеби шығармалар
арқылы кәсіби әрі тұлғалық дамуына ықпал етеді.
Басқа жаңалықтар
ШЕДОУИНГ: ЖАС ПЕДАГОГТІҢ КӘСІБИ БЕЙІМДЕЛУІНЕ ПРАКТИКАЛЫҚ ҚОЛДАУ
30 қазан күні «Өрлеу» БАҰО» АҚ «Батыс Қазақстан облысы бойынша Кәсіби даму институты» филиалында «Шедоуинг – жас педагогтің кәсіби бейімделуінің және тәжірибесін жинақтаудың практикалық тетігі» тақырыбында семинар өтті. Іс-шараға қалалық және аудандық білім бөлімдерінің әдістемелік кабинет әдіскерлері, жалпы білім беретін мектептердің педагог-тәлімгерлері мен жас мұғалімдері қатысты.
Мемлекет басшысының Жолдауына үн қосу: Kókshe эфиріндегі сарапшылар пікірі
Kókshe облыстық телеарнасының «Мемлекет басшысының Жолдауы: білім берудегі жаңа бағыттар» тақырыбындағы жаңалықтар сюжетіне филиалдың Ақмола облысы бойынша директоры Жанна Байгаринова мен курс тыңдаушылары қатысты
ЖАСАНДЫ ИНТЕЛЛЕКТ: ИДЕЯДАН ЖОБАҒА
Курстың басты нәтижесі – педагогтердің жасанды интеллектіні саналы әрі мақсатты қолдану дағдыларын дамыту, цифрлық құзыреттілігін жетілдіру және білім беру тәжірибесіне жаңа тәсілдерді енгізуге бағытталған кәсіби әлеуетін арттыру.