Институт ұжымы Президент Жолдауын тыңдады
Мемлекет басшысы Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Жолдауында елімізді дамыту бағытындағы маңызды міндеттер жарияланды.
«Өрлеу» БАҰО» АҚ Түркістан облысы бойынша кәсіби даму институтының ұжымы бүгін Жолдауды тыңдап, алға қойылған міндеттермен танысты.
Жолдауда алдағы дамудың негізі – білім мен ғылым, қуатты экономика және озық технология екені атап өтілді. Осы мақсатта ұсынылған «Халықтық құрылыс» бастамасы аясында әлеуметтік инфрақұрылымды жаңғыртып, жаңа білім беру нысандарын салуға басымдық беріледі.
Президент ұстаз еңбегін жеңілдету, мұғалімдерді артық есептілік пен әкімшілік жүктемеден босату және педагог мәртебесін қорғау қажеттігін ерекше атап өтті. Сонымен қатар 237 мыңнан астам баланың инклюзивті білім алу қажеттілігіне тоқталып, инфрақұрылымды дамыту, маман тапшылығын азайту және ерте диагностиканы күшейту міндеті қойылды.
Білім саласының болашағы жасанды интеллект, цифрландыру және адам капиталының сапасын арттырумен байланыстырылды. Қоғам санасын жаңғырту, «Адал азамат» құндылықтарын орнықтыру – жауапты ұрпақ тәрбиелеудің негізі ретінде айқындалды.
Басқа жаңалықтар
КУРСТАН КЕЙІНГІ ҚОЛДАУ: ҚҰНДЫЛЫҚҚА НЕГІЗДЕЛГЕН ОҚЫТУ ЖӘНЕ ЦИФРЛЫҚ РЕСУРСТАР
Ағымдағы жылдың 29 қазанында «Өрлеу» БАҰО» АҚ «Батыс Қазақстан облысы бойынша Кәсіби даму институты» филиалының курстан кейінгі қолдау шаралары аясында бастауыш сынып және қазақ тілі мен әдебиеті пәні мұғалімдеріне арналған онлайн-практикумдар оздырылды.
«Өрлеу» облыстық телеарна эфирінде
Гульдарай Кыркаева, «Өрлеу» Ақмола облысы бойынша филиалының аға оқытушысы, KOKSHE телеарнасының «Пәрменді пікір» бағдарламасының эфирінде сөз сөйледі.
ЖАС АҒЫЛШЫН ТІЛІ МҰҒАЛІМДЕРІН ҚОЛДАУ: МЕКТЕПТЕГІ КӘСІБИ ДАМУҒА ЖАҢА МҮМКІНДІКТЕР
«Өрлеу» біліктілікті арттыру ұлттық орталығы» АҚ мен Британдық Кеңестің үздіксіз кәсіби даму (ҮКД) бағытындағы бірлескен жобасы аясында Ақтөбе қаласындағы жобаға қатысушы мектептерге жұмыс сапарлары ұйымдастырылды.