«Мәтіннен мағынаға, мағынадан әрекетке»: педагогтерге арналған семинар
«Мәтіннен мағынаға, мағынадан әрекетке»: педагогтерге арналған семинар
№222 «Келешек мектеп» базасында педагогтердің кәсіби құзыреттілігін арттыруға бағытталған «Мәтіннен мағынаға, мағынадан әрекетке» тақырыбында семинар өтті.
Семинардың мақсаты – мұғалімдердің мәтінмен тиімді жұмыс жүргізу дағдыларын жетілдіру, мәтін мазмұнын терең түсіну және негізгі ойды өмірлік жағдаяттармен байланыстыру арқылы оқушылардың алған білімін нақты әрекетте қолдануына ықпал ететін тиімді әдіс-тәсілдерді таныстыру.
Іс-шара барысында педагогтер мәтінмен жұмыс жасаудың тиімді жолдарымен танысып, мәтіндегі ақпаратты талдау, негізгі ойды анықтау, оны өмірлік жағдаяттармен байланыстыру және білімді практикалық әрекетке бағыттау тәсілдерін қарастырды.
Семинар теориялық ақпаратпен қатар практикалық тапсырмалармен ұштасып, педагогтерге өз тәжірибесінде қолдануға болатын әдіс-тәсілдерді тәжірибе жүзінде меңгеруге мүмкіндік берді. Сонымен қатар қатысушылар арасында кәсіби тәжірибе алмасу ұйымдастырылды.
Семинарды «Өрлеу» біліктілікті арттыру ұлттық орталығы» АҚ Алматы қаласы бойынша Кәсіби даму институтының аға оқытушысы Жанар Ибраева өткізді.
Басқа жаңалықтар
ПЕДАГОГТЕРДІ АТТЕСТАТТАУДЫҢ ПИЛОТТЫҚ ЖОБАСЫ ТҮСІНДІРІЛДІ
8 қазан күні жоспарға сәйкес «Өрлеу» БАҰО» АҚ «БҚО бойынша КДИ» филиалы директорының орынбасары К. Байкатованың жетекшілігімен институт базасында біліктілікті арттыру курстарынан өтіп жатқан тыңдаушыларға педагогтерді аттестаттаудың пилоттық жобасын түсіндіруге арналған ақпараттық кездесу өтті. Кездесуге тарих, информатика, география және бастауыш сынып мұғалімдері, орта білім беру ұйымдарының педагогтері, әдіскерлер мен басшы орынбасарлары қатысты. Барлығы 100-ден астам…
«ҰСТАЗ» ПЛАТФОРМАСЫ: ЖАҢАДАН ТАҒАЙЫНДАЛҒАН ЖАУАПТЫ МАМАНДАРҒА АРНАЛҒАН ОНЛАЙН-СЕМИНАР ӨТТІ
Педагогтерді аттестаттаудың пилоттық жобасы аясында ақпараттық-түсіндіру жұмыстарын жүргізу мақсатында Атырау қаласы мен облыс аудандарындағы мектептер мен балабақшалардың жаңадан тағайындалған жауапты мамандарына арналған онлайн-семинар ұйымдастырылды. Семинар барысында пилоттық жоба бойынша педагогтерді аттестаттаудың негізгі талаптары мен кезеңдері, «Ұстаз» платформасында жұмыс істеу тәртібі, портфолионы қалыптастыру және қажетті мәліметтерді енгізу мәселелері жан-жақты түсіндірілді. Ақпараттық-түсіндіру жұмысын «Өрлеу» біліктілікті арттыру ұлттық…
ПЕДАГОГТЕРДІ АТТЕСТАТТАУДЫҢ ПИЛОТТЫҚ ЖОБАСЫ: ТҮСІНДІРУ ЖҰМЫСТАРЫ ЖАЛҒАСУДА
«Өрлеу» БАҰО» АҚ Шымкент қаласы бойынша Кәсіби даму институтында педагогтерді аттестаттаудың пилоттық жобасы аясында ақпараттық-түсіндіру және консультациялық-әдістемелік қолдау жұмыстары жалғасуда. Институтта білім беру ұйымдарының педагогтеріне арналған түсіндірме кездесу өтті. Кездесу барысында ҚР Оқу-ағарту министрінің м.а. 2026 жылғы 5 маусымдағы №159-НҚ бұйрығымен бекітілген талаптар және пилоттық жоба аясындағы аттестаттаудың жаңа тәртібі түсіндірілді. Атап айтқанда, педагогтердің кәсіби…