ПЕДАГОГТЕРДІ АТТЕСТАТТАУДЫҢ ПИЛОТТЫҚ ЖОБАСЫ: ТҮСІНДІРУ ЖҰМЫСТАРЫ ЖАЛҒАСУДА
«Өрлеу» БАҰО» АҚ Шымкент қаласы бойынша Кәсіби даму институтында педагогтерді аттестаттаудың пилоттық жобасы аясында ақпараттық-түсіндіру және консультациялық-әдістемелік қолдау жұмыстары жалғасуда.
Институтта білім беру ұйымдарының педагогтеріне арналған түсіндірме кездесу өтті.
Кездесу барысында ҚР Оқу-ағарту министрінің м.а. 2026 жылғы 5 маусымдағы №159-НҚ бұйрығымен бекітілген талаптар және пилоттық жоба аясындағы аттестаттаудың жаңа тәртібі түсіндірілді.
Атап айтқанда, педагогтердің кәсіби қызмет нәтижелерін бағалау, қажетті мәліметтерді енгізу, құжаттарды рәсімдеу және пилоттық жобаға қатысу барысында ескерілетін маңызды талаптар бойынша ақпарат берілді.
Педагогтер тарапынан қойылған өзекті сұрақтар талқыланып, әр мәселеге қолданыстағы талаптар мен пилоттық жобаның ерекшеліктері ескеріле отырып, нақты түсіндірмелер берілді.
Түсіндіру жұмыстарын институттың аттестаттауға жауапты маманы А. Жангабулова жүргізді.
Кездесу соңында қатысушылар өздерін толғандырған сұрақтарын қойып, нақты жауаптар мен практикалық түсіндірмелер алды.
Педагогтерге қажетті ақпаратты түсінікті әрі нақты жеткізу, сондай-ақ олардың сұрақтарына әдістемелік қолдау көрсету бағытындағы жұмыстар алдағы уақытта да жүйелі түрде жалғасады.
Басқа жаңалықтар
ПЕДАГОГТЕРДІ АТТЕСТАТТАУДЫҢ ПИЛОТТЫҚ ЖОБАСЫ ТҮСІНДІРІЛДІ
8 қазан күні жоспарға сәйкес «Өрлеу» БАҰО» АҚ «БҚО бойынша КДИ» филиалы директорының орынбасары К. Байкатованың жетекшілігімен институт базасында біліктілікті арттыру курстарынан өтіп жатқан тыңдаушыларға педагогтерді аттестаттаудың пилоттық жобасын түсіндіруге арналған ақпараттық кездесу өтті. Кездесуге тарих, информатика, география және бастауыш сынып мұғалімдері, орта білім беру ұйымдарының педагогтері, әдіскерлер мен басшы орынбасарлары қатысты. Барлығы 100-ден астам…
«ҰСТАЗ» ПЛАТФОРМАСЫ: ЖАҢАДАН ТАҒАЙЫНДАЛҒАН ЖАУАПТЫ МАМАНДАРҒА АРНАЛҒАН ОНЛАЙН-СЕМИНАР ӨТТІ
Педагогтерді аттестаттаудың пилоттық жобасы аясында ақпараттық-түсіндіру жұмыстарын жүргізу мақсатында Атырау қаласы мен облыс аудандарындағы мектептер мен балабақшалардың жаңадан тағайындалған жауапты мамандарына арналған онлайн-семинар ұйымдастырылды. Семинар барысында пилоттық жоба бойынша педагогтерді аттестаттаудың негізгі талаптары мен кезеңдері, «Ұстаз» платформасында жұмыс істеу тәртібі, портфолионы қалыптастыру және қажетті мәліметтерді енгізу мәселелері жан-жақты түсіндірілді. Ақпараттық-түсіндіру жұмысын «Өрлеу» біліктілікті арттыру ұлттық…
«Педагогикалық идеялар панорамасы – 2026»
Жамбыл облысының қорытындысы: Жаңа идея. Жаңа тәжірибе. Жаңа мүмкіндік! «Педагогикалық идеялар панорамасы» республикалық байқауы — ҚР Оқу-ағарту министрлігінің №514 бұйрығы негізінде «Өрлеу» біліктілікті арттыру ұлттық орталығы ұйымдастыратын басты республикалық байқауына Жамбыл облысы бойынша биыл барлығы 1859 өтінім келіп түсті. Бұл облыс мектептерінің 26% құрап отыр. Алдағы ұстаздардың кәсіби мерекесі қарсаңында, 2026 жылдың 2-ші қазан күні…