ПИЛОТТЫҚ ЖОБА БОЙЫНША ФИЛИАЛ КУРАТОРЛАРЫНА ТҮСІНДІРМЕ ЖҰМЫСТАРЫ ЖАЛҒАСУДА
Бүгін «Өрлеу» біліктілікті арттыру ұлттық орталығы» АҚ филиалы – Атырау облысы бойынша Кәсіби даму институтында педагогтерді аттестаттаудан өткізудің пилоттық жобасына қатысты ақпараттық-түсіндіру жұмыстары ұйымдастырылды.
Кездесу «Ұстаз» платформасының кураторларына арналды. Олардың қатарында Атырау облысының 7 ауданындағы білім беру ұйымдарының, жекеменшік мектептер мен балабақшалардың, сондай-ақ техникалық және кәсіптік білім беру ұйымдарының (колледждердің) кураторлары қатысты.
Ақпараттық-түсіндіру жұмысын «Өрлеу» біліктілікті арттыру ұлттық орталығы» АҚ филиалы – Атырау облысы бойынша Кәсіби даму институтының маманы Тулесинова Сымбат Бағытқызы жүргізді.
Кездесу барысында 2026 жылғы 1 қыркүйектен бастап іске қосылған педагогтерді аттестаттаудан өткізудің пилоттық жобасының негізгі талаптары, аттестаттауға қатысу шарттары, біліктілікті бағалау және педагогтің қызмет нәтижелерін кешенді талдамалық жинақтау тәртібі түсіндірілді.
Сонымен қатар біліктілік санаттарын беру және растауға қойылатын жаңа талаптар мен енгізіліп отырған өзгерістер бойынша нақты ақпарат ұсынылды.
Кураторлар өздерін қызықтырған сұрақтарын қойып, пилоттық жоба талаптары бойынша қажетті түсіндірмелер алды.
Басқа жаңалықтар
ПЕДАГОГТЕРДІ АТТЕСТАТТАУДЫҢ ПИЛОТТЫҚ ЖОБАСЫ ТҮСІНДІРІЛДІ
8 қазан күні жоспарға сәйкес «Өрлеу» БАҰО» АҚ «БҚО бойынша КДИ» филиалы директорының орынбасары К. Байкатованың жетекшілігімен институт базасында біліктілікті арттыру курстарынан өтіп жатқан тыңдаушыларға педагогтерді аттестаттаудың пилоттық жобасын түсіндіруге арналған ақпараттық кездесу өтті. Кездесуге тарих, информатика, география және бастауыш сынып мұғалімдері, орта білім беру ұйымдарының педагогтері, әдіскерлер мен басшы орынбасарлары қатысты. Барлығы 100-ден астам…
«ҰСТАЗ» ПЛАТФОРМАСЫ: ЖАҢАДАН ТАҒАЙЫНДАЛҒАН ЖАУАПТЫ МАМАНДАРҒА АРНАЛҒАН ОНЛАЙН-СЕМИНАР ӨТТІ
Педагогтерді аттестаттаудың пилоттық жобасы аясында ақпараттық-түсіндіру жұмыстарын жүргізу мақсатында Атырау қаласы мен облыс аудандарындағы мектептер мен балабақшалардың жаңадан тағайындалған жауапты мамандарына арналған онлайн-семинар ұйымдастырылды. Семинар барысында пилоттық жоба бойынша педагогтерді аттестаттаудың негізгі талаптары мен кезеңдері, «Ұстаз» платформасында жұмыс істеу тәртібі, портфолионы қалыптастыру және қажетті мәліметтерді енгізу мәселелері жан-жақты түсіндірілді. Ақпараттық-түсіндіру жұмысын «Өрлеу» біліктілікті арттыру ұлттық…
ПЕДАГОГТЕРДІ АТТЕСТАТТАУДЫҢ ПИЛОТТЫҚ ЖОБАСЫ: ТҮСІНДІРУ ЖҰМЫСТАРЫ ЖАЛҒАСУДА
«Өрлеу» БАҰО» АҚ Шымкент қаласы бойынша Кәсіби даму институтында педагогтерді аттестаттаудың пилоттық жобасы аясында ақпараттық-түсіндіру және консультациялық-әдістемелік қолдау жұмыстары жалғасуда. Институтта білім беру ұйымдарының педагогтеріне арналған түсіндірме кездесу өтті. Кездесу барысында ҚР Оқу-ағарту министрінің м.а. 2026 жылғы 5 маусымдағы №159-НҚ бұйрығымен бекітілген талаптар және пилоттық жоба аясындағы аттестаттаудың жаңа тәртібі түсіндірілді. Атап айтқанда, педагогтердің кәсіби…