«БІЛІМ БЕРУ ПРОЦЕСІНДЕ БІРТҰТАС ТӘРБИЕ ҚҰНДЫЛЫҚТАРЫН ІСКЕ АСЫРУ»

Педагогтердің біліктілігін арттыру курсы басталды!

2026 жылғы 2 қараша күні пән мұғалімдеріне арналған «Білім беру процесінде біртұтас тәрбие құндылықтарын іске асыру» тақырыбындағы педагогтердің біліктілігін арттыру курсы өз жұмысын бастады.

Курстың басты мақсаты – білім беру процесінде ұлттық және жалпыадамзаттық құндылықтарды жүйелі түрде жүзеге асыру жолдарын меңгерту, тәрбие мен оқытуды өзара сабақтастыра отырып, педагогтердің кәсіби құзыреттілігін дамыту.

Курс барысында қатысушылар:

- Біртұтас тәрбие бағдарламасының негізгі бағыттары мен құндылықтық бағдарларын зерделейді;

- оқу пәндерінің мазмұны арқылы тәрбие құндылықтарын кіріктіру жолдарын қарастырады;

- сабақта және сабақтан тыс жұмыстарда құндылықтарға негізделген тапсырмалар әзірлейді;

- тәрбиелік әлеуеті жоғары педагогикалық әдіс-тәсілдерді тәжірибе жүзінде қолданады;

- өзара тәжірибе алмасып, тиімді әдістемелік шешімдермен бөліседі.

Тәрбие – білім берудің ажырамас бөлігі. Әрбір пән мұғалімі өз пәнін оқыту арқылы оқушының бойына адамгершілік, жауапкершілік, отаншылдық, адалдық пен ынтымақ құндылықтарын сіңіруге үлес қоса алады.

Білімді ұрпақ қалыптастыру – маңызды міндет болса, ұлттық құндылықтарды бойына сіңірген саналы ұрпақ тәрбиелеу – ортақ жауапкершілік!

Курс қатысушыларына сәттілік, кәсіби ізденіс пен мазмұнды тәжірибе тілейміз!

Басқа жаңалықтар

2026 ж. 3 қараша#БАТЫС ҚАЗАҚСТАН ОБЛЫСЫ БОЙЫНША ӨРЛЕУ

ТӘЖІРИБЕГЕ НЕГІЗДЕЛГЕН ОҚЫТУ: ПЕДАГОГТЕРДІҢ КӘСІБИ ДАМУЫНДАҒЫ ТРЕНЕРДІҢ РӨЛІ

3 қараша күні «Өрлеу» БАҰО» АҚ «БҚО бойынша КДИ» филиалында кәсіби даму апталығы аясында аға оқытушыларға арналған төрт күндік оқыту басталды. Алғашқы күн «Мұғалімдердің кәсіби даярлығындағы тренердің рөлі: тәжірибеге негізделген оқыту» тақырыбына арналды.

2026 ж. 3 қараша#ЖАМБЫЛ ОБЛЫСЫ БОЙЫНША ӨРЛЕУ

ТИІМДІ САБАҚ ТАЛДАУЫ АРҚЫЛЫ КӘСІБИ ДАМУ

2026 жылғы 16 қыркүйекте «Өрлеу» Біліктілікті арттыру ұлттық орталығы» АҚ филиалы Жамбыл облысы бойынша Кәсіби даму институтында курстан кейінгі қолдау жоспарына сәйкес, Жуалы ауданының педагогтеріне арналған «Сабақты көру – түсіну – жақсарту: тиімді талдау алгоритмдері» тақырыбында тренерлік сағат өткізілді.

2026 ж. 3 қараша#ЖАМБЫЛ ОБЛЫСЫ БОЙЫНША ӨРЛЕУ

«Адал азамат » біртұтас тәрбие құндылықтары басқарушылық қызметте» тақырыбындағы біліктілікті арттыру курсы өз жұмысын бастады.

«Адал азамат” біртұтас тәрбие құндылықтары басқарушылық қызметте» біліктілікті арттыру курсы басталды. Ағымдағы жылдың 7 қыркүйегінде білім беру ұйымдарының басшылары мен басшы орынбасарларына арналған «Адал азамат” біртұтас тәрбие құндылықтары басқарушылық қызметте» тақырыбындағы біліктілікті арттыру курсы өз жұмысын бастады.