«Өрлеу» біліктілікті арттыру ұлттық орталығында Литваның Vytautas Magnus University өкілдерінің қатысуымен кездесу өтті
Басқосуға стратегиялық даму жөніндегі вице-ректор, профессор, доктор Астрида Мицейкене, Білім беру академиясының вице-канцлері, қауымдастырылған профессор, доктор Илона Тандзегольскене-Белаглове және халықаралық ынтымақтастық департаментінің директоры Илона Казлаускайте қатысты.
Кездесу барысында «Өрлеу» орталығы мен университет арасындағы академиялық және ғылыми ынтымақтастықты дамыту перспективалары талқыланды. Қонақтардың бастамасымен бірлескен жобалардың жаңа бағыттары ұсынылып, халықаралық білім беру және ғылыми жобаларға, соның ішінде Erasmus+ бағдарламасы аясында бірлесіп қатысу мүмкіндіктері қарастырылды.
Сонымен қатар педагогтердің біліктілігін арттыру саласындағы заманауи үрдістерге ерекше назар аударылды. Атап айтқанда, цифрлық білім беру ортасын дамыту, инклюзивті білім беру бағытында мұғалімдерді қолдау, жас педагогтерге арналған тәлімгерлік бағдарламаларды жетілдіру және педагогтердің әлеуметтік-эмоционалдық құзыреттерін жүйелі дамыту мәселелері көтерілді.
Кездесу қорытындысы бойынша білім беру және ғылыми бағыттарда өзара ынтымақтастықты дамыту туралы келісімге қол жеткізілді. Бұл ретте халықаралық озық тәжірибелерді енгізу және педагогтердің кәсіби дамуына арналған тиімді тәсілдерді бірлесіп әзірлеу ерекше маңызға ие.
Басқа жаңалықтар
ПЕДАГОГТЕРДІ АТТЕСТАТТАУДЫҢ ПИЛОТТЫҚ ЖОБАСЫ ТҮСІНДІРІЛДІ
8 қазан күні жоспарға сәйкес «Өрлеу» БАҰО» АҚ «БҚО бойынша КДИ» филиалы директорының орынбасары К. Байкатованың жетекшілігімен институт базасында біліктілікті арттыру курстарынан өтіп жатқан тыңдаушыларға педагогтерді аттестаттаудың пилоттық жобасын түсіндіруге арналған ақпараттық кездесу өтті. Кездесуге тарих, информатика, география және бастауыш сынып мұғалімдері, орта білім беру ұйымдарының педагогтері, әдіскерлер мен басшы орынбасарлары қатысты. Барлығы 100-ден астам…
«ҰСТАЗ» ПЛАТФОРМАСЫ: ЖАҢАДАН ТАҒАЙЫНДАЛҒАН ЖАУАПТЫ МАМАНДАРҒА АРНАЛҒАН ОНЛАЙН-СЕМИНАР ӨТТІ
Педагогтерді аттестаттаудың пилоттық жобасы аясында ақпараттық-түсіндіру жұмыстарын жүргізу мақсатында Атырау қаласы мен облыс аудандарындағы мектептер мен балабақшалардың жаңадан тағайындалған жауапты мамандарына арналған онлайн-семинар ұйымдастырылды. Семинар барысында пилоттық жоба бойынша педагогтерді аттестаттаудың негізгі талаптары мен кезеңдері, «Ұстаз» платформасында жұмыс істеу тәртібі, портфолионы қалыптастыру және қажетті мәліметтерді енгізу мәселелері жан-жақты түсіндірілді. Ақпараттық-түсіндіру жұмысын «Өрлеу» біліктілікті арттыру ұлттық…
ПЕДАГОГТЕРДІ АТТЕСТАТТАУДЫҢ ПИЛОТТЫҚ ЖОБАСЫ: ТҮСІНДІРУ ЖҰМЫСТАРЫ ЖАЛҒАСУДА
«Өрлеу» БАҰО» АҚ Шымкент қаласы бойынша Кәсіби даму институтында педагогтерді аттестаттаудың пилоттық жобасы аясында ақпараттық-түсіндіру және консультациялық-әдістемелік қолдау жұмыстары жалғасуда. Институтта білім беру ұйымдарының педагогтеріне арналған түсіндірме кездесу өтті. Кездесу барысында ҚР Оқу-ағарту министрінің м.а. 2026 жылғы 5 маусымдағы №159-НҚ бұйрығымен бекітілген талаптар және пилоттық жоба аясындағы аттестаттаудың жаңа тәртібі түсіндірілді. Атап айтқанда, педагогтердің кәсіби…