РОБОТОТЕХНИКА, STEAM ЖӘНЕ ЖАСАНДЫ ИНТЕЛЛЕКТ: БІЛІМ БЕРУДЕГІ ИННОВАЦИЯЛЫҚ ТӘСІЛДЕР
29
қазан күні «Өрлеу» БАҰО» АҚ «Батыс Қазақстан облысы бойынша Кәсіби даму
институты» филиалында «Робототехника, STEAM және жасанды интеллект: білім
берудегі инновациялық тәсілдер мен практикалық шешімдер» тақырыбында
әдістемелік онлайн-практикум өтті.
Курстан
кейінгі қолдау аясында ұйымдастырылған іс-шараға орта білім беру ұйымдарының
педагогтері қатысты. Практикумның мақсаты – педагогтердің робототехника, STEAM
және жасанды интеллект технологияларын оқу процесіне кіріктіру бойынша кәсіби
құзыреттіліктерін жетілдіру, пәнаралық оқытудың тиімді тәсілдері мен цифрлық
құралдарды қолданудың практикалық мүмкіндіктерін көрсету.
Практикум
жаратылыстану-математикалық бағыттағы кафедраның аға оқытушысы М.Т.
Мурзабулатовтың жетекшілігімен өтті.
Іс-шара
барысында «МЖМБС талаптарын жүзеге асырудағы STEM тәсілі: білімнен өмірлік
құзыреттілікке», «Робототехника с применением искусственного интеллекта»,
«Жасанды интеллект дәуіріндегі білім: жаңа мүмкіндік, жаңа көзқарас, жаңа
нәтиже» тақырыптары бойынша тәжірибе алмасу ұйымдастырылды.
Педагогтер
STEM тәсілдерін сабақ мазмұнына кіріктіру, робототехника мен жасанды интеллект
технологияларын ұштастыру, цифрлық құралдар арқылы оқушылардың зерттеушілік
және практикалық дағдыларын дамыту бағытындағы тәжірибелерімен бөлісті.
Практикум
соңында қатысушылар Padlet интерактивті тақтасында ұсынылған тәжірибелерге
қатысты пікірлерін білдіріп, кері байланыс берді.
Іс-шара
педагогтердің кәсіби тәжірибесін толықтыруға, инновациялық әдістерді өз
сабақтарында қолданудың тиімді жолдарын қарастыруға және әріптестер арасындағы
тәжірибе алмасуды нығайтуға мүмкіндік берді.
Басқа жаңалықтар
Білім берудегі инновациялар: «Өрлеу» Ақмола филиалында конференция өтті
Ақмола облысы бойынша «Өрлеу» біліктілікті арттыру институтында «Жаңашыл мектеп: білім сапасы, инновациялар және педагогикалық тәжірибелер» атты республикалық ғылыми-тәжірибелік онлайн-конференция өтті.
БІЛІМ БЕРУ ҮДЕРІСІНДЕ БІРТҰТАС ТӘРБИЕ ҚҰНДЫЛЫҚТАРЫН ІСКЕ АСЫРУ
«Өрлеу» БАҰО» АҚ Қарағанды облысы бойынша филиалында «Білім беру процесінде біртұтас тәрбие құндылықтарын іске асыру» тақырыбында педагогтердің біліктілігін арттыру курсы жалғасуда.
ШЫҒАРМАШЫЛЫҚ ПЕН ЖАСАНДЫ ИНТЕЛЛЕКТ ҮНДЕСТІГІ: КӨРКЕМ ЕҢБЕК ПӘНІН ОҚЫТУДЫҢ ЖАҢА МҮМКІНДІКТЕРІ
Бүгінде жасанды интеллект – білім алушының шығармашылық әлеуетін ашуға, тың идеяларын жүзеге асыруға және оқу үдерісін жаңа мазмұнмен толықтыруға мүмкіндік беретін заманауи құрал. Әсіресе, шығармашылық пен практикалық әрекетке негізделген көркем еңбек пәнінде оның мүмкіндігі мол.