«Қаржылық сауаттылық негіздері» курсы басталды

🔹Бүгін «Қаржылық сауаттылық негіздері» тақырыбындағы біліктілікті арттыру курсының кезекті топтары басталды. Курс тренерлері – Райымқұлова Жанат Әбдіхалыққызы, Сариева Мырзаиым Хасенқызы.

🔹 «Өрлеу» БАҰО» АҚ Түркістан облысы бойынша Кәсіби даму институты базасында өтіп жатқан курсқа орта білім беру ұйымдарының басшылары мен педагогтері қатысып жатыр. 

19-23  қазан аралығында өтетін курс барысында тыңдаушылар:

 - жеке қаржыны тиімді жоспарлау және басқару принциптерін меңгереді; 

- қаржы өнімдері мен қызметтерінің негізгі түрлерімен танысып, оларды тиімді әрі қауіпсіз пайдалану жолдарын үйренеді;

- алған білімдерін практикалық тапсырмалар мен өмірлік жағдаяттар арқылы бекітеді.

🔹Курс барысында педагогтердің қаржылық сауаттылығын арттыруға бағытталған заманауи оқыту әдістері, практикалық тапсырмалар, жағдаяттық талдау және интерактивті тәсілдер кеңінен қолданылуда. Қатысушылар күнделікті өмірде кездесетін қаржылық мәселелерді талдап, тиімді шешім қабылдау дағдыларын қалыптастыруға мүмкіндік алуда.

🔹Айта кетейік, курстың басты мақсаты – жеке қаржыны басқару саласында базалық білім беру, түрлі қаржы өнімдері мен қызметтерімен таныстыру, сондай-ақ қаржылық шешімдер қабылдау үшін қажетті дағдыларды дамыту арқылы педагогтердің қаржылық сауаттылығын арттыру.