«Өрлеу» филиалында педагогтердің біліктілігін арттыру курсы өтуде
«Өрлеу» БАҰО» АҚ Қарағанды филиалында көркем еңбек пәні мұғалімдеріне арналған «Мемлекеттік жалпыға міндетті білім беру стандартын жүзеге асырудағы жаңа тәсілдер: мақсаттан күтілетін оқу нәтижесіне жету. «Информатика» тақырыбында педагогтердің біліктілігін арттыру курсы өтуде.
Курстың
негізгі ерекшеліктерінің бірі – микрооқыту (microlearning) форматын қолдану.
Бұл тәсіл оқу материалын шағын бөліктерге бөліп меңгеруге, теориялық білімді
тәжірибемен ұштастыруға және жаңа әдіс-тәсілдерді тиімді игеруге мүмкіндік
береді.
Курс
аясында тыңдаушылар үлгілік оқу бағдарламасына сәйкес сабақ фрагменттерін
әзірлеп, әріптестері алдында тәжірибе жүзінде өткізуде. Сонымен қатар әр
педагог нақты оқу мақсаттарына бағытталған тапсырмалар құрастырып, оларды
тәжірибеде сынақтан өткізеді.
Оқу
барысында заманауи педагогикалық әдіс-тәсілдерді меңгеруге, тапсырмаларды
модельдеуге, өзара бағалау мен кәсіби кері байланыс орнатуға ерекше назар
аударылады. Әріптестер арасындағы тәжірибе алмасу педагогтердің кәсіби
құзыреттілігін жетілдіруге және сабақ беру сапасын арттыруға ықпал етеді.
Курс
тыңдаушылары алған білімдері мен тәжірибелік дағдыларын мектеп тәжірибесінде
қолдану оқушылардың шығармашылық әлеуеті мен практикалық дағдыларын дамытуға
мүмкіндік беретінін атап өтті.
Басқа жаңалықтар
ШЕДОУИНГ: ЖАС ПЕДАГОГТІҢ КӘСІБИ БЕЙІМДЕЛУІНЕ ПРАКТИКАЛЫҚ ҚОЛДАУ
30 қазан күні «Өрлеу» БАҰО» АҚ «Батыс Қазақстан облысы бойынша Кәсіби даму институты» филиалында «Шедоуинг – жас педагогтің кәсіби бейімделуінің және тәжірибесін жинақтаудың практикалық тетігі» тақырыбында семинар өтті. Іс-шараға қалалық және аудандық білім бөлімдерінің әдістемелік кабинет әдіскерлері, жалпы білім беретін мектептердің педагог-тәлімгерлері мен жас мұғалімдері қатысты.
Мемлекет басшысының Жолдауына үн қосу: Kókshe эфиріндегі сарапшылар пікірі
Kókshe облыстық телеарнасының «Мемлекет басшысының Жолдауы: білім берудегі жаңа бағыттар» тақырыбындағы жаңалықтар сюжетіне филиалдың Ақмола облысы бойынша директоры Жанна Байгаринова мен курс тыңдаушылары қатысты
ЖАСАНДЫ ИНТЕЛЛЕКТ: ИДЕЯДАН ЖОБАҒА
Курстың басты нәтижесі – педагогтердің жасанды интеллектіні саналы әрі мақсатты қолдану дағдыларын дамыту, цифрлық құзыреттілігін жетілдіру және білім беру тәжірибесіне жаңа тәсілдерді енгізуге бағытталған кәсіби әлеуетін арттыру.