ЖАС МАМАННЫҢ КӘСІБИ БЕЙІМДЕЛУІ: ҚИЫНДЫҚТАР МЕН ШЕШУ ЖОЛДАРЫ
Бүгін филиалда жас педагогтерге кәсіби қолдау көрсету мақсатында «Жас маманның кәсіби бейімделуі: қиындықтар мен шешу жолдары» тақырыбында кәсіби networking ұйымдастырылды.
Кездесу жас мамандардың кәсіби бейімделу барысында кездесетін негізгі қиындықтарын анықтауға, оларды шешудің тиімді жолдарын қарастыруға және мектеп басшыларымен тәжірибе алмасуға бағытталды.
Кәсіби алаң барысында мектеп басшылары мен жас мамандар педагогикалық қызметте кездесетін нақты жағдаяттық кейстермен жұмыс істеді. Әр жағдаят бойынша жас мұғалімдер өз көзқарастарын ортаға салса, мектеп басшылары кәсіби тәжірибелеріне сүйене отырып, мәселені шешудің тиімді жолдарын ұсынды.
Ашық пікір алмасу барысында еңбек міндеттерін дұрыс түсіну, жұмыс жүктемесін әділ ұйымдастыру, мектеп әкімшілігімен кәсіби қарым-қатынас орнату, сабақты тиімді жоспарлау және туындаған мәселелерді конструктивті диалог арқылы шешу мәселелеріне ерекше назар аударылды.
Алдағы күндері жас мамандарды кәсіби қолдауға бағытталған шаралар «Мен білемін – мен үйренемін – мен бөлісемін» қағидасы негізінде жалғасады.
Басқа жаңалықтар
ПЕДАГОГТЕРДІ АТТЕСТАТТАУДЫҢ ПИЛОТТЫҚ ЖОБАСЫ ТҮСІНДІРІЛДІ
8 қазан күні жоспарға сәйкес «Өрлеу» БАҰО» АҚ «БҚО бойынша КДИ» филиалы директорының орынбасары К. Байкатованың жетекшілігімен институт базасында біліктілікті арттыру курстарынан өтіп жатқан тыңдаушыларға педагогтерді аттестаттаудың пилоттық жобасын түсіндіруге арналған ақпараттық кездесу өтті. Кездесуге тарих, информатика, география және бастауыш сынып мұғалімдері, орта білім беру ұйымдарының педагогтері, әдіскерлер мен басшы орынбасарлары қатысты. Барлығы 100-ден астам…
«ҰСТАЗ» ПЛАТФОРМАСЫ: ЖАҢАДАН ТАҒАЙЫНДАЛҒАН ЖАУАПТЫ МАМАНДАРҒА АРНАЛҒАН ОНЛАЙН-СЕМИНАР ӨТТІ
Педагогтерді аттестаттаудың пилоттық жобасы аясында ақпараттық-түсіндіру жұмыстарын жүргізу мақсатында Атырау қаласы мен облыс аудандарындағы мектептер мен балабақшалардың жаңадан тағайындалған жауапты мамандарына арналған онлайн-семинар ұйымдастырылды. Семинар барысында пилоттық жоба бойынша педагогтерді аттестаттаудың негізгі талаптары мен кезеңдері, «Ұстаз» платформасында жұмыс істеу тәртібі, портфолионы қалыптастыру және қажетті мәліметтерді енгізу мәселелері жан-жақты түсіндірілді. Ақпараттық-түсіндіру жұмысын «Өрлеу» біліктілікті арттыру ұлттық…
ПЕДАГОГТЕРДІ АТТЕСТАТТАУДЫҢ ПИЛОТТЫҚ ЖОБАСЫ: ТҮСІНДІРУ ЖҰМЫСТАРЫ ЖАЛҒАСУДА
«Өрлеу» БАҰО» АҚ Шымкент қаласы бойынша Кәсіби даму институтында педагогтерді аттестаттаудың пилоттық жобасы аясында ақпараттық-түсіндіру және консультациялық-әдістемелік қолдау жұмыстары жалғасуда. Институтта білім беру ұйымдарының педагогтеріне арналған түсіндірме кездесу өтті. Кездесу барысында ҚР Оқу-ағарту министрінің м.а. 2026 жылғы 5 маусымдағы №159-НҚ бұйрығымен бекітілген талаптар және пилоттық жоба аясындағы аттестаттаудың жаңа тәртібі түсіндірілді. Атап айтқанда, педагогтердің кәсіби…