ЖАСАНДЫ ИНТЕЛЛЕКТ: ПРЕЗИДЕНТ ТАПСЫРМАСЫНАН – БІЛІМ БЕРУ ТӘЖІРИБЕСІНЕ
Мемлекет басшысы Қасым-Жомарт Тоқаев білім беру жүйесіне жасанды интеллектіні енгізу, педагогтер мен білім алушылардың цифрлық құзыреттерін дамыту жөнінде нақты міндеттер қойды. Осы тапсырмаларды практикалық шешімдермен сабақтастыру мақсатында «Білім берудегі жасанды интеллект: Президент Жарлығынан заманауи білім беру тәжірибесіне дейін» тақырыбында секция отырысы өтті.
Басқосу мемлекеттік органдар, педагогтер, сарапшылар, отандық IT-компаниялар мен білім беру технологияларын әзірлеушілерді бір алаңға жинады.
Секция аясындағы интерактивті көрмеде «ЖИ және педагог», «ЖИ және білім алушы», «Цифрлық білім беру контенті» бағыттары бойынша отандық платформалар мен ЖИ-шешімдер таныстырылды.
«Мемлекеттік саясаттан білім берудің бірыңғай цифрлық экожүйесіне дейін» атты стратегиялық диалогта ЖИ-ді білім беруге қауіпсіз әрі тиімді енгізу мәселелері талқыланды. Жасанды интеллект және цифрлық даму вице-министрі Гиззат Байтурсынов, Оқу-ағарту вице-министрі Сергей Компаниец, Ғылым және жоғары білім вице-министрі Динара Щеглова жаңа цифрлық дәуірдегі білім, мемлекеттік саясат, адами капитал мен жаңа құзыреттер мәселелеріне тоқталды.
«Өрлеу» АҚ Басқарма төрағасының орынбасары Даулет Боранғали цифрлық трансформацияның келесі қадамы – технологияны жай енгізу емес, деректер мен жасанды интеллект негізінде шешім қабылдауға көшу және педагогтердің AI-құзыреттерін жүйелі дамыту екенін атап өтті.
Практикалық бөлімде отандық IT-компаниялар мен мектеп педагогтері ЖИ-ді білімді диагностикалау, жеке білім беру траекториясын қалыптастыру, цифрлық контентті жетілдіру және мектепті басқаруда қолдану тәжірибелерімен бөлісті.
Президент тапсырмасынан басталған бұл бағыттың басты өлшемі – технологияның өзі емес, оның мұғалімге, оқушыға және білім сапасына беретін нақты нәтижесі.
Басқа жаңалықтар
ПЕДАГОГТЕРДІ АТТЕСТАТТАУДЫҢ ПИЛОТТЫҚ ЖОБАСЫ ТҮСІНДІРІЛДІ
8 қазан күні жоспарға сәйкес «Өрлеу» БАҰО» АҚ «БҚО бойынша КДИ» филиалы директорының орынбасары К. Байкатованың жетекшілігімен институт базасында біліктілікті арттыру курстарынан өтіп жатқан тыңдаушыларға педагогтерді аттестаттаудың пилоттық жобасын түсіндіруге арналған ақпараттық кездесу өтті. Кездесуге тарих, информатика, география және бастауыш сынып мұғалімдері, орта білім беру ұйымдарының педагогтері, әдіскерлер мен басшы орынбасарлары қатысты. Барлығы 100-ден астам…
«ҰСТАЗ» ПЛАТФОРМАСЫ: ЖАҢАДАН ТАҒАЙЫНДАЛҒАН ЖАУАПТЫ МАМАНДАРҒА АРНАЛҒАН ОНЛАЙН-СЕМИНАР ӨТТІ
Педагогтерді аттестаттаудың пилоттық жобасы аясында ақпараттық-түсіндіру жұмыстарын жүргізу мақсатында Атырау қаласы мен облыс аудандарындағы мектептер мен балабақшалардың жаңадан тағайындалған жауапты мамандарына арналған онлайн-семинар ұйымдастырылды. Семинар барысында пилоттық жоба бойынша педагогтерді аттестаттаудың негізгі талаптары мен кезеңдері, «Ұстаз» платформасында жұмыс істеу тәртібі, портфолионы қалыптастыру және қажетті мәліметтерді енгізу мәселелері жан-жақты түсіндірілді. Ақпараттық-түсіндіру жұмысын «Өрлеу» біліктілікті арттыру ұлттық…
ПЕДАГОГТЕРДІ АТТЕСТАТТАУДЫҢ ПИЛОТТЫҚ ЖОБАСЫ: ТҮСІНДІРУ ЖҰМЫСТАРЫ ЖАЛҒАСУДА
«Өрлеу» БАҰО» АҚ Шымкент қаласы бойынша Кәсіби даму институтында педагогтерді аттестаттаудың пилоттық жобасы аясында ақпараттық-түсіндіру және консультациялық-әдістемелік қолдау жұмыстары жалғасуда. Институтта білім беру ұйымдарының педагогтеріне арналған түсіндірме кездесу өтті. Кездесу барысында ҚР Оқу-ағарту министрінің м.а. 2026 жылғы 5 маусымдағы №159-НҚ бұйрығымен бекітілген талаптар және пилоттық жоба аясындағы аттестаттаудың жаңа тәртібі түсіндірілді. Атап айтқанда, педагогтердің кәсіби…