Бастауыш сынып мұғалімдеріне арналған цифрлық білім беру платформалары бойынша семинар өтті
Іс-шараны «Алматыкітап» баспасының PR-бөлімінің бас әдіскері Арайлым Ерболатқызы және «Өрлеу» біліктілікті арттыру ұлттық орталығы» АҚ Алматы қаласы бойынша Кәсіби даму институтының бастауыш сынып бағытындағы аға оқытушылары, тренерлер Назерке Алимбайқызы мен Фатима Серікбаевна ұйымдастырып, жүргізді.
Семинар барысында Арайлым Ерболатқызы қатысушыларды «Алматыкітап» баспасының қызметімен таныстырып, цифрлық оқулықтарды әзірлеу кезеңдері мен тәжірибесі туралы ақпарат берді. Сонымен қатар цифрлық оқулықтардың артықшылықтары, TopIQ.kz платформасының мүмкіндіктері, Qamqor жасанды интеллектінің білім беру үдерісіндегі рөлі және әлеуметтік теңдікті қамтамасыз етуге бағытталған TopIQ-Mobil Box жобасы таныстырылды.
Кездесу барысында мұғалімдер цифрлық білім беру ресурстарын сабақта қолдану және жасанды интеллект мүмкіндіктерін тиімді пайдалану жолдары туралы мәлімет алды.
Семинар қорытындысында қатысушыларға кәсіби қызметтеріне табыс тілеп, цифрлық оқулықтардың мүмкіндіктерін тиімді пайдалануға, ұлттық құндылықтарды дәріптеуге және жасанды интеллектіні білім сапасын арттыруға бағыттауға шақырды.
Басқа жаңалықтар
ЖАҢА БІЛІМ БЕРУ ПАРАДИГМАСЫ: ЦИФРЛЫҚ ТРАНСФОРМАЦИЯ ЖӘНЕ ПЕДАГОГТІҢ КӘСІБИ ДАМУЫ
Мемлекет басшысы Қасым-Жомарт Тоқаев білім беру жүйесін жаңғырту, цифрлық технологияларды дамыту және жасанды интеллект мүмкіндіктерін тиімді пайдалану мәселелерін еліміздің стратегиялық басымдықтарының бірі ретінде айқындап келеді.
БІР МӘСЕЛЕ – БІРНЕШЕ ШЕШІМ: ЗАМАНАУИ САБАҚТЫҢ ЖАҢА МҮМКІНДІКТЕРІ
Қазіргі сабақта ең маңыздысы – оқушының дұрыс жауапты білуі ғана емес, сол жауапқа апаратын түрлі жолдарды көре білуі. Ал мұндай қабілетті дамытуда цифрлық технологиялардың мүмкіндігі қандай?
«ӨРЛЕУДЕ» ОҚУ МӘДЕНИЕТІН ҚАЛЫПТАСТЫРУҒА БАҒЫТТАЛҒАН АКЦИЯ БАСТАЛДЫ
«Кітап оқитын ұлт» республикалық жобасы аясында «Өрлеу» біліктілікті арттыру ұлттық орталығында «Оқу мәдениеті – ұйым мәдениеті» атты акция басталды. Бастамаға еліміздің 20 филиалынан құралған 21 команда қатысып, командалық оқу арқылы ортақ әдеби кеңістік қалыптастыруға кірісті.