ЖАСАНДЫ ИНТЕЛЛЕКТ ЖӘНЕ ФУНКЦИОНАЛДЫҚ САУАТТЫЛЫҚ: ЗАМАНАУИ ПЕДАГОГ ҚҰЗЫРЕТТЕРІНІҢ ЖАҢА БАҒЫТЫ

Конференция аясындағы секциялық жұмыс барысында «Өрлеу» Шымкент қаласы бойынша Кәсіби даму институты филиалының аға тренері Батькаева Гулнара Аскаровна «Жасанды интеллект және функционалдық сауаттылық: заманауи педагог құзыреттері қалай өзгеруде?» тақырыбында баяндама жасады.

Баяндама барысында білім алушылардың функционалдық сауаттылығын дамытуға бағытталған практикалық тапсырмаларды әзірлеуде жасанды интеллект мүмкіндіктерін пайдалану жолдары қарастырылды.

Сонымен қатар заманауи педагогтің кәсіби құзыреттерінің трансформациясына, оқу тапсырмаларын жобалаудағы рөліне, жасанды интеллект арқылы жасалған материалдарды сыни тұрғыдан бағалауына, сондай-ақ білім алушылардың талдау, дәлелдеу және негізделген шешім қабылдау дағдыларын дамыту мәселелеріне ерекше назар аударылды.

Баяндама соңында жасанды интеллект педагогті қолдауға арналған құрал болғанымен, оның кәсіби қызметін алмастыра алмайтыны атап өтілді. Цифрлық технологияларды қолданудың тиімділігі олардың педагогикалық тұрғыдан сауатты пайдаланылуына байланысты. Ал біліктілікті арттыру жүйесінің басты міндеті – білім алушылардың функционалдық сауаттылығын қалыптастыруға қажетті педагог құзыреттерін дамыту болып қала береді.