ЖАСАНДЫ ИНТЕЛЛЕКТ ПЕДАГОГТІҢ МҮМКІНДІГІН ҚАЛАЙ КЕҢЕЙТЕДІ?
Бүгінде бұл сұрақтың орнына жасанды интеллектіні білім беру
үдерісін жетілдіру үшін қалай тиімді пайдалануға болады деген сауалды жиі қою
қажет.
Дәл осы мәселеге «Сымбат» дарынды балаларға арналған
мектеп-интернатында өткен оқыту семинары арналды.
«Өрлеу» БАҰО» АҚ Ақтөбе облысы бойынша филиалы кафедрасының
меңгерушісі, техника ғылымдарының магистрі Бәдигүл Асанбай педагогтермен
кездесіп, жасанды интеллектінің мүмкіндіктері мен оны білім беру үдерісіне
кіріктірудің практикалық жолдарын талқылады.
Келесі спикер – №9 мектеп-гимназиясының мұғалімі Әлбек
Алдрапеков оқу тәжірибесінде жасанды интеллект құралдарын тиімді қолданудың
нақты жолдарын және педагогтің күнделікті жұмысына қолдау көрсете алатын
цифрлық мүмкіндіктерді таныстырды.
Семинар барысында педагогтер жасанды интеллектіні сабақтың
әртүрлі кезеңдерінде пайдалану, оқу материалдарын білім алушылардың деңгейіне
қарай бейімдеу, тапсырмалар мен шығармашылық жұмыстар әзірлеу, сабаққа арналған
тың идеялар іздеу, сондай-ақ мұғалімнің уақытын үнемдеу мүмкіндіктерін
қарастырды.
Жасанды интеллект – тек дайын жауап ұсынатын құрал емес. Ол
– педагогтің кәсіби мүмкіндіктерін кеңейтетін цифрлық көмекші. Ең бастысы –
технологияны жай ғана пайдалану емес, оның мүмкіндіктерін нақты педагогикалық
мақсаттарға бағыттай білу.
Өйткені қазіргі мұғалім үшін цифрлық технологияларды меңгеру
ғана жеткіліксіз. Ең маңыздысы – оларды білім сапасын арттыруға ықпал ететін
тиімді құралға айналдыра білу.
Басқа жаңалықтар
БОЛАШАҚҚА БАҒДАР: МАМАНДЫҚ ТАҢДАУДЫҢ МАҢЫЗЫ
Кездесу барысында қазіргі еңбек нарығында аналитикалық және сыни ойлау, креативтілік, технологиялық сауаттылық, коммуникация және үздіксіз білім алу қабілеттерінің маңыздылығы атап өтілді. Спикердің айтуынша, бүгінгі білім беру жүйесінің міндеті – оқушыны белгілі бір мамандыққа ғана емес, өзгерістерге бейімделуге үйрету. Сондай-ақ жасанды интеллект дәуірінде адамның эмпатия, жүйелі ойлау, шығармашылық және белгісіз жағдайда шешім қабылдау секілді қабілеттерін дамыту қажеттілігі сөз болды.
ҚАЗЫҒҰРТТА БІЛІКТІЛІКТІ АРТТЫРУ КУРСЫ ӨТІП ЖАТЫР
Түркістан облысы Қазығұрт ауданында «Өрлеу» БАҰО» АҚ Түркістан облысы бойынша кәсіби даму институтының жоспарына сәйкес 27 қазан мен 6 қараша аралығында педагогтердің кәсіби құзыреттілігін арттыруға бағытталған оқу курсы өтуде. Курс жетекшісі – Махфуза Мусаева.
«ӨРЛЕУДЕ» ТӨРТ КҮНДІК КӘСІБИ ДАМУ АПТАЛЫҒЫ ҚОРЫТЫНДЫЛАНДЫ
5 қараша күні «Өрлеу» БАҰО» АҚ «Батыс Қазақстан облысы бойынша Кәсіби даму институты» филиалында «Тәжірибеге негізделген оқыту: педагогтердің кәсіби дамуындағы тренердің рөлі» тақырыбындағы төрт күндік оқыту қорытындыланды.