ҚАЗЫҒҰРТТА БІЛІКТІЛІКТІ АРТТЫРУ КУРСЫ ӨТІП ЖАТЫР

Түркістан облысы Қазығұрт ауданында «Өрлеу» БАҰО» АҚ Түркістан облысы бойынша кәсіби даму институтының жоспарына сәйкес 27 қазан мен 6 қараша аралығында педагогтердің кәсіби құзыреттілігін арттыруға бағытталған оқу курсы өтуде. Курс жетекшісі – Махфуза Мусаева.

 

Курс барысында ерекше білім беруді қажет ететін (ЕББҚ) білім алушыларды қолдау, инклюзивті білім беруді ұйымдастыру және оқыту үдерісін дараландыру мәселелері кеңінен қарастырылды.

 

🔹 Қазақстан Республикасының инклюзивті білім беруге қатысты нормативтік-құқықтық базасы;

🔹 бастауыш сыныптарда Біртұтас тәрбие бағдарламасының құндылықтарын кіріктіру;

🔹 ЕББҚ бар білім алушылардың оқу, когнитивтік, мінез-құлықтық және эмоционалдық ерекшеліктері;

🔹 педагогикалық диагностика жүргізу және білім беру қажеттіліктерін анықтау;

🔹 оқу материалдарын бейімдеу және саралап оқыту;

🔹 дислексия, дисграфия, дискалькулия сияқты оқу қиындықтары бар оқушыларды қолдаудың тиімді стратегиялары;

🔹 цифрлық және жасанды интеллект құралдарын педагогикалық тәжірибеде тиімді пайдалану;

🔹 жеке білім беру маршрутын әзірлеу және оқушының оқу нәтижелерін талдау бағыттары қамтылды.

 

«Бастауыш сынып пәндерін оқытудағы инклюзивті тәсілдер: оқу қиындықтарын еңсеру» курсында педагогтер инклюзивті орта қалыптастыру, оқытуды жоспарлау, оқушының жеке ерекшеліктерін ескеру, ата-аналармен және әріптестермен тиімді өзара әрекеттесу, сондай-ақ кәсіби рефлексия жүргізу дағдыларын жетілдірді.

 

Инклюзивті білім беру – әр баланың мүмкіндігін мойындап, оның сапалы білім алуына жағдай жасау. Әр баланың жетістігі – педагогтің кәсіби ізденісі мен жүрек жылуының нәтижесі!