БІЛІМ БЕРУДЕГІ ЖИ: МҰҒАЛІМДЕР АРАСЫНДАҒЫ ҚАЛАЛЫҚ ПІКІРТАЛАС!
Пікірталастың басты тақырыбы – «ЖИ көмегімен оқыту және академиялық адалдық: тепе-теңдікті қалай сақтаймыз?»
Іс-шараны ұйымдастыруға институттың аға оқытушылары Айжан Идрисовна, Гульжанат Габдулахметовна, Салтанат Жаксылыковна, Гүлбала Кеніштайқызы және Айгүл Аманжолова атсалысты.
Қазіргі таңда жасанды интеллект білім беру саласының ажырамас бөлігіне айналып келеді. Осыған байланысты мұғалімдер «ЖИ білім сапасын арттыра ма, әлде академиялық адалдыққа қауіп төндіре ме?» деген маңызды сұрақ төңірегінде пікір алмасты.
📍 Пікірталас бірнеше кезең бойынша өтті:
🔹 «Біздің ұстаным» – командалардың көзқарасын таныстыру;
🔹 «Жылдам пікір» – жедел уәждер мен жауаптар;
🔹 «Debate Battle» – ЖИ-дің білім сапасына ықпалы жөніндегі пікірсайыс;
🔹 «Case Study» – педагогикалық жағдаяттарды талдау;
🔹 «AI LAB» – ЖИ қолданудың этикалық кодексін әзірлеу және постер қорғау.
Қатысушылар жоғары деңгейдегі сыни ойлау, креативтілік және командалық жұмыс дағдыларын көрсете білді.
Пікірталас барысында:
«Болашақтағы ең маңызды мұғалім дағдысы – адамгершілік пен ойлау қабілеті»,
«ЖИ ойламайды. Ойлайтын – адам» деген мазмұнды тұжырымдар айтылды.
Сайыс қорытындысы бойынша үздік командалар мен ұстаздар «Үздік аргумент», «Үздік креативті команда», «Үздік шешім», «Академиялық адалдық жанашыры» және «Digital Teacher» номинацияларымен марапатталды.
Барлық қатысушыларды құттықтаймыз!
Білім мен технология үндескен болашақты бірге қалыптастырайық!
Басқа жаңалықтар
БАСТАУЫШ СЫНЫП ОҚУШЫЛАРЫНЫҢ ОҚУ МӘДЕНИЕТІН ҚАЛЫПТАСТЫРУ МӘСЕЛЕЛЕРІ ТАЛҚЫЛАНДЫ
Ағымдағы жылдың 5 қараша күні «Өрлеу» БАҰО» АҚ «Батыс Қазақстан облысы бойынша Кәсіби даму институты» филиалында «Бастауыш сынып білім алушыларының оқу мәдениетін қалыптастыру» тақырыбында вебинар өтті. Іс-шараға бастауыш сынып мұғалімдері қатысып, жас ұрпақтың кітап оқуға қызығушылығын арттыру, тұрақты оқу дағдыларын қалыптастыру және оқу мәдениетін дамытудың өзекті мәселелерін талқылады. Вебинарды кафедраның аға оқытушысы Д.Ш. Жумагалиева жүргізіп, қатысушыларды кездесудің тақырыбы, мақсаты мен күтілетін нәтижелерімен таныстырды.
БАСТАУЫШ СЫНЫП ОҚУШЫЛАРЫНЫҢ ОҚУ МӘДЕНИЕТІ МЕН ФУНКЦИОНАЛДЫҚ САУАТТЫЛЫҒЫН ДАМЫТУ МӘСЕЛЕЛЕРІ ТАЛҚЫЛАНДЫ
Ағымдағы жылдың 5 қараша күні «Өрлеу» БАҰО» АҚ «Батыс Қазақстан облысы бойынша Кәсіби даму институты» филиалында «Мемлекеттік стандарт талаптарын жүзеге асыру: бастауыш сынып оқушыларының оқу мәдениеті мен функционалдық сауаттылығын дамыту» тақырыбында вебинар өтті. Іс-шараға бастауыш сынып мұғалімдері қатысып, мемлекеттік жалпыға міндетті білім беру стандарты талаптарын оқу үдерісінде жүзеге асырудың өзекті мәселелерін талқылады. Вебинарды кафедраның аға оқытушысы Д.Ш. Жумагалиева жүргізді.
БІЛІМ МЕН ИННОВАЦИЯ: ЖОҒАРЫ БІЛІМ БЕРУДІҢ ЖАҢА БАҒЫТТАРЫ
Қазіргі білім беру жүйесі цифрлық технологиялардың қарқынды дамуымен қатар жаңа талаптар мен мүмкіндіктерге ие болуда. Әсіресе жасанды интеллектіні білім беру үдерісіне тиімді енгізу, оқытудың заманауи әдістемелерін жетілдіру және білім алушылардың зерттеушілік құзыреттілігін дамыту – бүгінгі күннің өзекті мәселелерінің бірі.