БАСТАУЫШ СЫНЫП ОҚУШЫЛАРЫНЫҢ ОҚУ МӘДЕНИЕТІ МЕН ФУНКЦИОНАЛДЫҚ САУАТТЫЛЫҒЫН ДАМЫТУ МӘСЕЛЕЛЕРІ ТАЛҚЫЛАНДЫ
Ағымдағы жылдың 5 қараша күні «Өрлеу» БАҰО» АҚ «Батыс
Қазақстан облысы бойынша Кәсіби даму институты» филиалында «Мемлекеттік
стандарт талаптарын жүзеге асыру: бастауыш сынып оқушыларының оқу мәдениеті мен
функционалдық сауаттылығын дамыту» тақырыбында вебинар өтті. Іс-шараға бастауыш
сынып мұғалімдері қатысып, мемлекеттік жалпыға міндетті білім беру стандарты
талаптарын оқу үдерісінде жүзеге асырудың өзекті мәселелерін талқылады.
Вебинарды кафедраның аға оқытушысы Д.Ш. Жумагалиева жүргізді.
Вебинар барысында бастауыш
сынып оқушыларының функционалдық сауаттылығын қалыптастырудың тиімді жолдары,
оқу мәдениетін дамытудың инновациялық әдістері және storytelling технологиясын
қолдану мүмкіндіктері таныстырылды. Атап айтқанда, Биғали Нұргүл Амантайқызы
«Бастауыш сынып оқушыларының функционалдық сауаттылығын қалыптастырудың тиімді
жолдары» тақырыбында, Гумарова Айымжан Сүйеғалиқызы «Storytelling 4L: Бастауыш
сынып оқушыларының функционалдық сауаттылығын дамыту моделі» тақырыбында, ал
Исламғалиева Әсел Маратқызы «Оқуға құштар ұрпақ: Бастауыш сынып оқушыларының
оқу мәдениетін қалыптастырудың инновациялық әдістері» тақырыбында
тәжірибелерімен бөлісті.
Кездесу соңында ұсынылған
әдістемелік тәжірибелер қорытындыланып, қатысушылар оқу мәдениеті мен
функционалдық сауаттылықты дамытуға бағытталған тиімді тәсілдерді сабақ
барысында қолдану мүмкіндіктерін саралады. Вебинар бастауыш білім беру сапасын
арттыруға, педагогтердің кәсіби тәжірибесін жетілдіруге және мемлекеттік
стандарт талаптарын тиімді жүзеге асыруға бағытталған әдістемелік алаң болды.
Басқа жаңалықтар
БАСТАУЫШ СЫНЫП ОҚУШЫЛАРЫНЫҢ ОҚУ МӘДЕНИЕТІН ҚАЛЫПТАСТЫРУ МӘСЕЛЕЛЕРІ ТАЛҚЫЛАНДЫ
Ағымдағы жылдың 5 қараша күні «Өрлеу» БАҰО» АҚ «Батыс Қазақстан облысы бойынша Кәсіби даму институты» филиалында «Бастауыш сынып білім алушыларының оқу мәдениетін қалыптастыру» тақырыбында вебинар өтті. Іс-шараға бастауыш сынып мұғалімдері қатысып, жас ұрпақтың кітап оқуға қызығушылығын арттыру, тұрақты оқу дағдыларын қалыптастыру және оқу мәдениетін дамытудың өзекті мәселелерін талқылады. Вебинарды кафедраның аға оқытушысы Д.Ш. Жумагалиева жүргізіп, қатысушыларды кездесудің тақырыбы, мақсаты мен күтілетін нәтижелерімен таныстырды.
БІЛІМ МЕН ИННОВАЦИЯ: ЖОҒАРЫ БІЛІМ БЕРУДІҢ ЖАҢА БАҒЫТТАРЫ
Қазіргі білім беру жүйесі цифрлық технологиялардың қарқынды дамуымен қатар жаңа талаптар мен мүмкіндіктерге ие болуда. Әсіресе жасанды интеллектіні білім беру үдерісіне тиімді енгізу, оқытудың заманауи әдістемелерін жетілдіру және білім алушылардың зерттеушілік құзыреттілігін дамыту – бүгінгі күннің өзекті мәселелерінің бірі.
Оқу мәдениеті – ортақ құндылық
Кітап оқу – рухани дамудың, зияткерлік өсудің және дүниетанымды кеңейтудің маңызды құралы. Оқу мәдениетін қалыптастыру және ұлттық рухани құндылықтарды дәріптеу мақсатында «Өрлеу» біліктілікті арттыру ұлттық орталығының барлық филиалдары «Оқу мәдениеті – ұйым мәдениеті» атты ортақ акцияны бастады. Бастама «Кітап оқитын ұлт» жобасын қолдау аясында жүзеге асырылуда.