Өрлеу

«ОҚУ МӘДЕНИЕТІ – ҰЙЫМ МӘДЕНИЕТІ»: ЕКІНШІ КІТАП ТАЛҚЫЛАУ КЕЗДЕСУІ ӨТТІ

«ОҚУ МӘДЕНИЕТІ – ҰЙЫМ МӘДЕНИЕТІ»: ЕКІНШІ КІТАП ТАЛҚЫЛАУ КЕЗДЕСУІ ӨТТІ

Бүгін, 13 қараша күні «Кітап оқитын ұлт» жобасы аясында «Өрлеу» біліктілікті арттыру ұлттық орталығы» АҚ Атырау облысы бойынша Кәсіби даму институтында «Оқу мәдениеті – ұйым мәдениеті» акциясы шеңберіндегі екінші ұжымдық кітап талқылау кездесуі өтті.

📖 Кездесудің негізгі мақсаты – ұжым арасында кітап оқу мәдениетін дамыту, оқырмандық белсенділікті арттыру, оқылған шығармалар негізінде ой бөлісу және ортақ рухани құндылықтарды қалыптастыру.

💬 Кездесу барысында қатысушылар алғашқы кітап оқу сессиясында басталған талқылауды жалғастырып, өз ойлары мен пікірлерін ортаға салды. Сонымен қатар кітап оқу бастамасын одан әрі дамыту, алдағы кездесулердің мазмұны мен форматын жетілдіру, келесі кезеңге арналған жоспарлар мен ұсыныстар талқыланды.

📚 Сонымен қатар, кітап оқу акциясы аясында оқуға алдын ала белгіленген 10 кітап филиалымызға келіп түсті. Кездесу барысында ұжым мүшелеріне жаңа кітаптар таныстырылып, олардың мазмұны мен алдағы оқу үдерісін ұйымдастыру мәселелері сөз болды.

✨ Кітап оқу – тек жеке даму құралы ғана емес, сонымен қатар ұжым мүшелерін ортақ ой мен рухани құндылықтар төңірегінде біріктіретін маңызды мәдени орта.

📚 «Оқу мәдениеті – ұйым мәдениеті» бастамасы аясындағы кездесулер алдағы уақытта да жалғасын тауып, ұжымның тұрақты кітап оқу дәстүрін қалыптастыруға бағытталады!

 

Бөлісу

Басқа жаңалықтар

«ОҚУ МӘДЕНИЕТІ – ҰЙЫМ МӘДЕНИЕТІ»: ЕКІНШІ КІТАП ТАЛҚЫЛАУ КЕЗДЕСУІ ӨТТІ — Өрлеу