КӘСІБИ ШЕБЕРЛІКТІҢ ЖАҢА БЕЛЕСІ!

Қарағанды облысы Шет ауданы Жамбыл Ақбаев атындағы мектеп-гимназиясының қазақ тілі мен әдебиеті пәнінің мұғалімі Болкенбаева Айгерім Дәулетиарқызына жоғары біліктілік санаты – «педагог-шебер» берілді.

Айгерім Дәулетиарқызы – Ы. Алтынсарин атындағы Ұлттық білім академиясы мақұлдаған екі авторлық білім беру бағдарламасы мен әдістемелік құралдың авторы:

* «Эссе жазып үйренейік» (10-сынып, 2018 жыл);

* «Шағын ғылыми жазудың жолдары» (8-сынып, 2024 жыл);

* «Эссе жазудың тиімді жолдары» – 9–11-сынып мұғалімдері мен оқушыларына арналған әдістемелік құрал (2020 жыл).

Педагогтің кәсіби жетістіктері қатарында:

* 2021 жылғы «Үздік педагог» республикалық байқауының жеңімпазы;

* 2025 жылғы «Үздік авторлық бағдарлама» республикалық байқауының жеңімпазы;

* 2025 жылдан бастап «Өрлеу. Тиімді сабақ» әдістемелік журналының редакциялық алқасының мүшесі;

* 2025 жылғы «Педагогикалық идеялар панорамасы» республикалық байқауының облыстық кезеңі сарапшылар кеңесінің мүшесі.

Сонымен қатар педагог білім беру саласындағы цифрлық ресурстарды дамытуға да үлес қосып келеді. Оның YouTube арнасында мұғалімдерге арналған 212 бейнематериал жарияланған, жазылушылар саны – 19,6 мың. Ал Telegram арнасының 779 оқырманы бар.

Айгерім Дәулетиарқызын «педагог-шебер» біліктілік санатының берілуімен шын жүректен құттықтаймыз! Кәсіби табыс, шығармашылық шабыт және отандық білім беру саласын дамыту жолындағы еңбегіне толағай жетістіктер тілейміз!