Өрлеу

ЫНТЫМАҚТАСТЫҚТЫҢ ЖАҢА МҮМКІНДІКТЕРІ: МЕМОРАНДУМҒА ҚОЛ ҚОЙЫЛДЫ

ЫНТЫМАҚТАСТЫҚТЫҢ ЖАҢА МҮМКІНДІКТЕРІ: МЕМОРАНДУМҒА ҚОЛ ҚОЙЫЛДЫ

«Өрлеу» біліктілікті арттыру ұлттық орталығы» АҚ филиалы – Атырау облысы бойынша Кәсіби даму институты мен «Zerdeli Group» ЖШС білім беру саласындағы өзара ынтымақтастықты дамыту мақсатында Меморандумға қол қойды.

Бұл серіктестік – педагогтердің кәсіби дамуына қолдау көрсету, білім беру үдерісіне заманауи технологиялар мен инновациялық тәжірибелерді енгізу, сондай-ақ бірлескен білім беру бастамаларын жүзеге асыруға бағытталған жаңа мүмкіндіктер алаңы.

Меморандум аясында тараптар:

- оқу семинарлары, тренингтер, форумдар, брифингтер, көрмелер мен кездесулер ұйымдастыру;

- педагогтердің цифрлық сауаттылығын арттыру және цифрлық білім беру ресурстарын тиімді қолдану бағытында тәжірибе алмасу;

- білім беру саласындағы ғылыми-зерттеу және тәжірибелік жұмыстарды бірлесіп жүзеге асыру;

- педагогтерді халықаралық зерттеулерге даярлау бағытында ортақ шаралар өткізу;

- білім беру сапасын арттыруға бағытталған өзге де бастамаларды қолға алу бойынша келісімге келді.

Серіктестіктің басты құндылығы – тәжірибе мен мүмкіндіктерді біріктіріп, педагогтердің кәсіби әлеуетін дамытуға және білім беру сапасын жаңа деңгейге көтеруге бағытталған ортақ жұмыс.

Жаңа серіктестікке сәттілік тілейміз! Ынтымақтастық өзара сенімге, кәсіби ізденіске және ортақ мақсатқа негізделіп, өңір педагогтері үшін мазмұнды жобалар мен игі бастамаларға ұлассын!

Бірлескен қадам – жаңа мүмкіндіктерге жол! 

Бөлісу

Басқа жаңалықтар

ЫНТЫМАҚТАСТЫҚТЫҢ ЖАҢА МҮМКІНДІКТЕРІ: МЕМОРАНДУМҒА ҚОЛ ҚОЙЫЛДЫ — Өрлеу